Bir nəfər dünyasını dəyişib, biri isə yaralanıb

Neftçala rayonunda borc üstündə yaranan mübahisə qətllə nəticələnib. DİN-in mətbuat xidmətindən "Kaspi"yə verilən məlumata görə, hadisə martın 4-də saat 05.00 radələrində baş verib. Belə ki Neftçala rayonunun Yuxarı Qaramanlı kəndində, kənd sakini Əmrah Əhmədov pul borcu ilə əlaqədar aralarında yaranmış münaqişə zəminində bıçaqla həmkəndlisi Təmayül Əliyevanı qətlə yetirib. Onun əri Telman Əliyevə isə xəsarət yetirib. Neftçala RPŞ əməkdaşlarının həyata keçirdikləri tədbirlər nəticəsində Ə.Əhmədov könüllü olaraq RPŞ-nə gələrək istintaqa təslim olub. Faktla bağlı cinayət işi başlanılıb və araşdırma aparılır.

+  -  Çap