Obama siqareti tərgidir

ABŞ prezidenti Barak Obama siqaret çəkmək vərdişini tərgitməyə qərar verib. RİA «Novosti»nin məlumatına görə, Ağ Evin 48 yaşlı sahibi növbəti həkim müayinəsi zamanı həkimlərin ona siqaretdən imtinanı məsləhət görməsindən sonra belə qərar qəbul edib. Həkimlər bildiriblər ki, Obamanın sağlamlıqla bağlı heç bir problemi olmasa da, onun siqareti tərgitməsi məsləhətdir. Obamanın mətbuat katibi Robert Gibbs bildirib ki, prezident artıq cəhdlərə başlayıb və siqareti tərgitmək üçün tərkibində nikotin olan saqqız çeynəyir. Xatırladaq ki, Obama hələ seçki kampaniyası zamanı gündə 5-6 siqaret çəkdiyini etiraf edib. O, prezident seçildikdən sonra bu vərdişdən imtina edəcəyinə də söz vermişdi.

+  -  Çap