Sədərək Ticarət Mərkəzindən oğurluq edən Naxçıvan sakini tutulub

Hüquq-mühafizə orqanlarının əməkdaşları bir neçə oğurluq faktının üstünü açıb. DİN-in mətbuat xidmətindən "Kaspi"yə verilən məlumata görə, oğurluq hadisələrindən biri Sədərək Ticarət Mərkəzində törədilib.
DİN Baş Mühafizə İdarəsi və Qaradağ RPİ 10-cu PB əməkdaşlarının birgə həyata keçirdikləri əməliyyat-axtarış tədbirləri nəticəsində oğurluqda şübhəli bilinən Naxçıvan şəhər sakini Əfsər Nəcəfov saxlanılıb. Ə.Nəcəfov Sədərək Ticarət Mərkəzində Bakı şəhər sakini Rəfayel Niftiyevə məxsus mağazadan oğurluq etməkdə təqsirləndirilir. Ə.Nəcəfovdan 6,41 qram narkotik vasitə olan tiryək də götürülüb.
Sabunçu RPİ 12-ci PB əməkdaşlarının həyata keçirdikləri əməliyyat-axtarış tədbirləri nəticəsində martın 1-də "Balaxanıneft" NQSC-nin quyularından oğurluq etməkdə şübhəli bilinən Balaxanı qəsəbə sakini Məmməd Məmmədov tutulub.
Sabunçu RPİ 14-cü PB əməkdaşlarının həyata keçirdikləri əməliyyat-axtarış tədbirləri nəticəsində V.Bədəlovanın mobil telefonunu oğurlamaqda şübhəli bilinən Bakı şəhər sakini Nərmin Sadıqova saxlanılıb.
Yasamal RPİ 26-cı PB əməkdaşlarının həyata keçirdikləri əməliyyat-axtarış tədbirləri nəticəsində H.Cavid prospektində Bakı şəhər sakini Əmiraslan Məlikova məxsus mağazadan açar seçmək yolu ilə oğurluğa cəhd göstərən şəxs tutulub. Saxlanılan Mehdiabad qəsəbə sakini, əvvəllər məhkum olunan Zakir Fərəciyevdir. Z.Fərəciyevdən 0,89 qram narkotik vasitə olan tiryək götürülüb.
Xətai RPİ 36-cı PB əməkdaşlarının həyata keçirdikləri əməliyyat-axtarış tədbirləri nəticəsində R.Cəfərovanın mənzilindən oğurluq etməkdə şübhəli bilinən şəxs tutulub. Oğurluq edən ev sahibəsinin oğlu İmran Cəfərovdur.
Şirvan ŞPŞ əməkdaşlarının həyata keçirdikləri əməliyyat-axtarış tədbirləri nəticəsində D.Mirzəyevin həyətindən oğurluq etməkdə şübhəli bilinən şəhər sakini Vüsal Əliyev tutulub.
Salyan RPŞ əməkdaşlarının həyata keçirdikləri əməliyyat-axtarış tədbirləri nəticəsində E.Hümmətovun evindən oğurluq etməkdə şübhəli bilinən Şorsulu kənd sakini Elgün Axundov saxlanılıb.
Bütün faktlarla bağlı araşdırmalar aparılır.


Ayxan

+  -  Çap