Ukrayna Ali Radası səs çoxluğu ilə baş nazir Yuliya Timoşenkonu istefaya göndərib. “Rada” telekanalının yaydığı məlumata görə, qərarın lehinə zalda olan 404 deputatdan 243-ü səs verib. Timoşenkonun istefasını Regionlar Partiyası, “Litvinin bloku” fraksiyasının böyük hissəsi, eləcə də “Bizim Ukrayna – Xalq Özünümüdafiəsi” fraksiyasının bir hissəsi səs verib. Timoşenkonun istefasına onun blokunun 7 üzvü də səs verib. “Yuliya Timoşenko bloku”nun digər deputatları, eləcə də “Bizim Ukrayna – Xalq Özünümüdafiəsi”nin böyük hissəsi səsvermədə iştirak etməyib. Qeyd edək ki, bundan bir gün əvvəl Radanın spikeri Vladimir Litvin hakim koalisiyanın dağıldığını elan edib. Bundan sonra Regionlar Partiyası parlamentdə yeni çoxluq təşkil etməli və baş naziri seçməlidir.
Yeri gəlmişkən, Ukraynanın yeni prezidenti Viktor Yanukoviçdən gözlənilməz açıqlama. BBC-yə müsahibəsində o bildirib ki, Abxaziya və Cənubi Osetiya separatçı rejimlərini tanımağa tələsməyəcək.

+  -  Çap