Bakıda sexdən, Gəncədə mənzildən oğurluq edilib

Hüquq-mühafizə orqanları bir neçə oğurluq faktının üstünü açıb. DİN-in mətbuat xidmətindən "Kaspi"yə verilən məlumata görə, Sabunçu rayonunda sexdən oğurluq edilib. Sabunçu RPİ əməkdaşlarının həyata keçirdikləri əməliyyat-axtarış tədbirləri nəticəsində Bakı şəhər sakini Əvəz Əliyev saxlanılıb. Ə.Əliyev 2009-cu ilin sentyabrın 12-də Araz Abdurəhamanova məxsus sexdən oğurluq etməkdə şübhəli bilinir.
Suraxanı RPİ əməkdaşları tərəfindən oğurluq etdiyinə görə tutulan Elşad Əliyevin ətrafında aparılan əməliyyat tədbirləri nəticəsində əlavə faktlar üzə çıxıb. Onun yanvarın 7-də Dünyamalı Mehdiyevin və yanvarın 22-də Rasim Ağasiyevin mənzillərindən oğurluq etməsi müəyyən edilib. Nizami (Gəncə) RPŞ əməkdaşları tərəfindən oğurluq etməkdə şübhəli bilinən Elvin Mirzəyev tutulub. Saxlanılan E.Mirzəyevin ətrafında aparılan əməliyyat tədbirləri nəticəsində onun fevralın 22-də Namiq Orucovun evindən oğurluq etməsi müəyyən edilib. Hər üç faktla bağlı araşdırmalar apırılır.

+  -  Çap