Etibar Pirverdiyev: “Bu, asan iş deyil, vaxt tələb edir”

Yüksək gərginlikli elektrik xətlərinin altında tikilən evlərin bir qismi ilə bağlı məhkəməyə müraciət olunub.
Bu barədə jurnalistlərə “Azərenerji” ASC-nin prezidenti Etibar Pirverdiyev məlumat verib.
Etibar Pirverdiyev deyib ki, hazırda qanunsuz tiklilərlə bağlı monitorinq aparılır: “Evlərin fotoşəkilləri, onların tikilməsinə hansı dövlət qurumlarının icazə verilməsi barədə sənədlər də əlavə edilməklə, qanunsuz tiklilərin siyahısı hazırlanır. Amma bu, asan iş deyil, vaxt tələb edir”.
O, belə qanunsuz tiklilərin Abşeron yarımadasında daha çox olduğunu da qeyd edib.

+  -  Çap