Respublikanın avtomobil yollarında ölümlə nəticələnən iki yol-nəqliyyat hadisəsi qeydə alınıb. DİN-in mətbuat xidmətindən "Kaspi"yə verilən məlumata görə, hər iki qəzada piyada vurulub. Xətai rayonundakı Gəncə prospektində, Bakı şəhər sakini Rəşad Bayramov "VAZ-21015" markalı avtomaşını idarə edərkən həmyerlisi, Maisəxanım Kərimovanı vurub. Ağır xəsarət alan M.Kərimova xəsarətlə xəstəxanaya yerləşdirilib. Həkimlərin səylərinə baxmayaraq, yaralının həyatını xilas etmək mümkün olmayıb.
Sabirabad rayonu ərazisində, rayon sakini Məhəmməd Qafarov "VAZ-2106" markalı avtomaşını idarə edərkən, Qalaqayın kənd sakini Zinyət Mehralıyevanı vurub. Nəticədə, xəsarətlə xəstəxanaya yerləşdirilən Z.Mehralıyeva orada dünyasını dəyişib. Hər iki faktla bağlı araşdırmalar aparılır.


Ayxan

+  -  Çap