Azərbaycan Dövlət Neft Şirkəti (ARDNŞ) bu ilin I rübünün sonunadək Ukraynada SOCAR brendli yanacaqdoldurma məntəqələrində neft məhsullarının satışına başlayacaq. Bu barədə ARDNŞ-in prezidenti Rövnəq Abdullayev jurnalistlərə açıqlamasında bildirib.
Onun sözlərinə görə, ARDNŞ Ukraynada 20-yə yaxın yanacaqdoldurma stansiyası alıb və hazırda bu məntəqələrin istifadəyə hazırlanması işləri aparılır: "ARDNŞ Odessa şəhərində neft məhsulları terminalı alıb və terminalda da hazırlıq işlərinin aparılır. Yanacaqdoldurma məntəqələri SOCAR brendi ilə fəaliyyət göstərəcək".
Şirkət rəhbəri vurğulayıb ki, yaxın vaxtlarda Bakıda SOCAR brendli 3 yanacaqdoldurma məntəqəsinin də istifadəyə veriləcək: "Hazırda 10 yanacaqdoldurma məntəqəsinin inşa olunur. Qalan 7 məntəqənin isə cari ilin II rübündə istifadəyə verilməsinin planlaşdırılıb".
Rövnəq Abdullayev əlavə edib ki, ARDNŞ ümumilikdə Bakıda 26 yanacaqdoldurma məntəqəsi açmağı planlaşdırır.

+  -  Çap