Musiqili Komediya Teatrı 100 illik yubileyi münasibəti ilə nəzərdə tutulan layihələrə start verib. Teatrın mətbuat xidmətinin verdiyi məlumata görə, ilk tədbirlər sırasında "Afaq üç gün sizinlə" layihəsi daha çox marağa səbəb olacaq. Noyabrın 6, 7 və 8-də sevimli gülüş ustası, Xalq artisti Afaq Bəşirqızı ilə görüşlər keçiriləcək. Həmin günlər Cavanşir Quliyev və Əli Əmirlinin "Yeddi məhbusə anası", Faiq Sücəddinov və Tamara Vəliyevanın "Mən dəyərəm min cavana", Sərdar Fərəcov və Əziz Nesinin "Şəhərdə manyak var" tamaşaları göstəriləcək.
Tamaşalarda eyni zamanda Xalq artistləri İlham Namiq Kamal, Fatma Mahmudova, Valeh Kərimov, Əməkdar artistlər Xanım Qafarova, Elçin Həmidov, Əkbər Əlizadə və başqa aktyorlar iştirak edəcəklər.

Təranə

+  -  Çap