Mobil telefon oğrusu yaxalanıb

Ötən gün respublikanın daxili işlər orqanları tərəfindən 23 cinayət faktı qeydə alınıb. Daxili İşlər Nazirliyinin (DİN) mətbuat xidmətindən "Kaspi"yə verilən məlumata görə, qeydə alınan cinayətlərin 11-i "isti izlər"lə açılıb. Cinayət Məcəlləsinin müxtəlif maddələri ilə axtarılan 3 nəfər tutularaq istintaq orqanlarına təhvil verilib. Respublikanın avtomobil yollarında baş verən 3 yol-nəqliyyat hadisəsi nəticəsində 2 nəfər ölüb, 8 nəfər isə yaralanıb. Gün ərzində 8 yanğın hadisəsi qeydə alınıb. Daxili işlər orqanları əməkdaşlarının həyata keçirdikləri əməliyyat-axtarış tədbirləri nəticəsində narkotiklərlə əlaqəli 4, qanunsuz saxlanılan silah-sursatla bağlı 1 fakt müəyyən edilib. Cinayət törətdiklərinə görə 17 nəfər saxlanılıb. Sabunçu RPİ 12-ci PB əməkdaşlarının keçirdikləri əməliyyat-axtarış tədbirləri nəticəsində mobil telefon oğrusu yaxalanıb. Saxlanılan Ramana qəsəbə sakini Sədri Hacıyevdir. S.Hacıyev E.Mehdiyev küçəsindəki stadionda, Lökbatan qəsəbə sakini Orxan Şıxıyevə məxsus mobil telefonu oğurlamaqda təqsirləndirilir. Faktla bağlı araşdırmalar aparılır.

+  -  Çap