Moldovanın keçmiş prezidenti Vladimir Voroninin oğlu həbs oluna bilər

Moldovanın keçmiş prezidenti Vladimir Voroninin başının üstünü qura buludlar alıb. Belə ki, onun oğlu Oleq Voronin istintaqa çağırılıb. Hökumət yanında İqtisadi cinayətlər və korrupsiya üzrə mərkəz onu həddən artıq maliyyə vəsaiti sərf etməkdə günahlandırıb. Prokurorluq ondan sərf etdiyi vəsaitlərin mənbələri barədə məlumat verməsini istəyib. Hazırda Avstriyada yaşayan Oleq Kşinyovda biznes və geniş ticarət şəbəkələrinə malikdir. Qeyd edək ki, Antikorrupsiya üzrə Mərkəz Oleq Voroninə jurnalist araşdırmasından sonra müraciət edib. Belə ki, Moldoviya mətbuatının yaydığı məlumatlara görə, eks-prezidentin oğlunun bank kartlarında 1140 əməliyyat haqqında məlumat var. Onun 8 milyon dollar sərf etdiyi bəlli olub. Onun Baden-Baden, Kipr, Vyana, Frankfurt, Hamburq, Münxen, Paris, Moskva, London, Cenevrə, Oslo, Odessa, Roma və Dubayda çoxsaylı bank hesablarının olduğu bəlli olub. Ən bahalı otellərdə istirahət edən Oleq ən məşhur mağazalarda ticarət edib. Məsələn, Parisdə otellərdən birində onun yüz min dollar xərclədiyi müəyyən olunub. Özü də o, çox vaxt ödəmələri nəğd yolla aparıb. Məlumata görə, baş prokuror Valeri Zubko bununla bağlı ona müraciət edən jurnalistlərin informasiyasına müsbət reaksiya verilib. Xatırladaq ki, eks-prezident 2008-ci ildə təqdim etdiyi gəlirlər bəyannaməsində aylıq əmək haqqının 950 dollar olduğunu göstərib. V.Voronini 2009-cu ilin sentyabrında istefaya getməyə məcbur ediblər.


Azər NURİYEV

+  -  Çap