O, ölkə vətəndaşlarına onun prezident postuna seçilməsi ilə bağlı qəzetlərdə təbriklərin yerləşdirilməsini qadağan edib

Nigeriyada prezident səlahiyyətlərini icra edən Qudlaq Conatan qeyri-adi bir qərar verib. O, ölkə vətəndaşlarına onun prezident postuna seçilməsi ilə bağlı qəzetlərdə təbriklərin yerləşdirilməsini qadağan edib. Parlament tərəfindən fevralın 9-da dövlət başçısı postuna təsdiq olunan yeni prezident təbriklərin verilməməsini özünəməxsus formada izah edib. Bir çoxları təbrikləri verməklə prezidentə yaxın olduqlarını bildirmək istəyirlər. Korrupsiyanın geniş inkişaf etdiyi Qərbi Afrika ölkəsində prezident həmrəylik səfərlərini qadağan edib. Hakimiyyətə gəldikdən sonra korrupsiyaya qarşı mübarizəni əsas xətt kimi götürən Qudlaq ilk növbədə ölkənin baş prokurorunu vəzifəsindən uzaqlaşdırıb. Bu şəxs korrupsiya ilə bağlı tədqiqatların aparılmasını irəli sürən nigeriyalı siyasətçilərə qarşı çıxışları ilə tanınır.  Əvvəl vitse-prezident olan Qudlaq 58 yaşlı Yar-Aduanı əvəzləyib. Həmin şəxs isə keçən ilin noyabrından Səudiyyə Ərəbistanının kardioloji klinikasında müayinə keçib. Yanvarın əvvəlində isə parlamentə müraciət edərək səhhətinə görə işdən uzaqlaşdırılmasını icazə istəyib. Hazırda özünü yaxşı hiss edən Yar-Aduanın ölkəyə gələcəyi tarix də bəlli deyil. Hakimiyyət nümayəndələri ümid edirlər ki, Qudlaq Conatanın prezident səlahiyyətlərinin icrasına başlaması ilə bağlı rəsmi qərar Nigeriya tarixinin qeyri-müəyyənlik dövrünə son qoyacaq. Lakin bir sıra ekspertlər qeyd edirlər ki, müsəlman şimalının nümayəndəsinin xristian cənubunun nümayəndəsi ilə əvəzlənməsi ölkə daxilində millətlərarası və dinlərarası problemlərin qızışmasına gətirib çıxaracaq.

+  -  Çap