1920-ci ildə yaranan muzeyin yubileyi münasibətilə silsilə tədbirlər və sərgilər həyata keçiriləcək. Bunu muzeyin direktoru akademik Nailə Vəlixanlı bildirib

N.Vəlixanlı muzeyin böyük bir dövr keçdiyini vurğulayıb: "Bu dövr ərzində muzeyin hansı yolları keçdiyi, təşəkkülü, inkişafı və ölkədə, cəmiyyətdə tutduğu mövqe əhəmiyyət kəsb edir. Əsas məqsəd tarix muzeyinin cəmiyyətin bütün üzvlərinə xalqın, dövlətin tarixini olduğu kimi təqdim etməkdir".
Muzey direktoru böyük tədbirlər planının hazırlandığını qeyd edib. İlk tədbir artıq yanvar ayında keçirilib. Növbəti tədbir isə marta təsadüf edəcək. Bu sərgidə Qarabağ ərazisindən tapılmış müxtəlif etnoqrafik, arxeoloyi eksponatlar, sənədlər, şəkillər nümayiş olunacaq. Digər sərgilər İkinci Dünya Müharibəsinin başa çatmasının 65 illik yubileyinə və Azərbaycanda dövlətçiliyə həsr ediləcək. Son sərgi isə oktyabr-noyabr aylarında muzeyin 90 illik yubileyi münasibətilə keçiriləcək:
"Muzeyin Azərbaycan dövlətində, cəmiyyətində tutduğu mövqeyə həsr olunmuş böyük sərgi və beynəlxalq konfrans təşkil olunacaq. Bununla da yubiley ilini başa çatdıracağıq".


Xəyalə Muradlı

+  -  Çap