Azərbaycan da daxil olmaqla, ABŞ-ın Xəzər dənizi bölgəsindəki siyasəti Vaşinqtonda müzakirə olunacaq.
APA-nın Vaşinqton müxbirinin məlumatına görə, ABŞ-ın bir sıra tanınmış ekspertləri, habelə Xəzər bölgəsi ilə əlaqəsi olan keçmiş rəsmi şəxslər bir araya gələrək, ABŞ-ın Xəzər dənizi bölgəsindəki prioritetləri və cari məsələləri müzakirə edəcəklər.
Müzakirələr fevralın 11-də Con Hopkins Universitetinin Qabaqcıl Beynəlxalq Araşdırmalar fakültəsində təşkil olunacaq.
Tədbirdə Haifa Universiteti Siyasi Elmlər Fakültəsinin professoru Brenda Şaffer, ABŞ-ın Avropa Birliyindəki keçmiş səfiri Y.Boyden Qrey, Atlantik Şura yanında Avrasiya Eneryi Mərkəzinin direktor köməkçisi Aleksandros Petersen və Mərkəzi Asiya-Qafqaz İnstitutunun direktoru, tədqiqatçı Svante Kornel iştirak edəcəklər. Tədbir təşkilatçıları APA-ya bildiriblər ki, hazırda ABŞ analitiklərini bir sual maraqlandırır: "ABŞ-ın Xəzər bölgəsinə dair siyasəti varmı?"
Təşkilatçıların sözlərinə görə, ABŞ-ın əsas diqqəti Nabucco ətrafında olan suallar və eneryi təhlükəsizliyi məsələləri üzərində cəmləşdirilməlidir.

+  -  Çap