Günelin atası deyir ki, Rza Zərrab əlində iki qarpız tutub

Azəri qızı Günellə iş adamı Rza Zərrabın söz müharibəsi davam edir. Tərəflərin ittihamları onların keçmişi ilə bağlı bir çox məqamı ortaya qoyub. Bu dəfə danışan isə Günelin atası Rəhman Zeynalov oldu. O, yerli mətbuata bəzi açıqlamalar verib. Bildirib ki, Rza bir əldə iki qarpız tutmaq istəyib. Günel isə "mən özümü küçədən tapmamışam ki, sən onunla bərabər olub, məni sevəsən" deyib. O, Günellə Rzanın 15-16 yaşlarından bir-birlərini sevdiklərini söyləyib: "Rzanın o qadın - Ebru Gündeşlə münasibətləri yarandıqdan sonra Günel onunla münasibətləri kəsib". Türkiyə KİV-ində bu mövzuda yer alan məlumatların, qalmaqallı xəbərlərin həqiqətə uyğun olmadığını deyən R.Zeynalov hesab edir ki, həmin qəzetləri Rza "alıb": "Bu səbəbdən də həmin qəzet və yurnallar yalnız Rzanın sözlərini dərc edir".
Günelin atası Rzanı ölümlə hədələməsinə dair məlumatları da təkzib edib: "Rza guya onun evində yaşadığımızı bildirir. Lakin biz yaşadığımız evi özümüz kirayələmişik və pulunu özümüz ödəyirik. Məndə bunu sübut edən bütün sənədlər var. Pişiyin ağzı ətə çatmayanda onu iylənmiş adlandırır. Rza həmin pişikdir. Günel onu xəyanətinə görə qəbul etməyib. Bütün ötən ili o, barışmaq üçün qapımıza gəlsə də, Günel fikrindən dönməyib. Məndən də dəfələrlə onları barışdırmağımı istəyib. Lakin mən Rzaya bildirmişəm ki, hisslərini dəqiqləşdirsin və kiminlə bir yerdə olmaq istədiyi ilə bağlı qərar versin. Ebru Gündeşin sevgilisi mənim qızımla evlənə bilməz. Mənim qızım küçə qızı deyil ki, onunla elə-belə görüşsün.
Sözünün davamında R.Zeynalov yaxın iki həftə ərzində məsələyə məhkəmədə aydınlıq gətiriləcəyini də söyləyib.
Xatırladaq ki, hər iki tərəf iddia ərizəsi ilə məhkəməyə müraciət edib.

+  -  Çap