İtaliyanın "Yuventus" klubunun yeni baş məşqçisi müəyyənləşib. Apasport.az saytının İtaliyanın məşhur "Gazzetta dello Sport" qəzetinə istinadən verdiyi məlumata görə, rəhbərlik bu postu komandanın keçmiş futbolçusu olan Klaudio Centileyə tapşırıb. 55 yaşlı italyan mütəxəssis "Yuventus"un baş direktor müavini Roberto Betteqa ilə iki saatlıq söhbətindən, bir çox məsələləri müzakirə etdikdən sonra bu təklifi qəbul edib. Centilenin namizədliyini həmyerlisi Covanni Trapattoni təklif edib. Turinlilər ilk olaraq C.Trapattoniyə müraciət etsə də, o, təklifi qəbul etməyib. 71 yaşlı çalışdırıcı bunu İrlandiya yığmasını tərk etməyə, üçüncü dəfə "Yuventus"a rəhbərlik etməyə hazır olmaması ilə izah edib.
L.Centileyə gəlincə, o, bağlanacaq 4 aylıq müqaviləyə görə 250 min avro qazanacaq. Ona komandanın Avroliqada uğurlu çıxışı və Çempionlar liqasına vəsiqə qazanılması müqabilində bonus da nəzərdə tutulub.

+  -  Çap