Amma "Kral klubu" onun haqqında çıxarılan qərardan razı deyil

Kriştiano Ronaldo İspaniya çempionatının "Malaqa" ilə son oyunundakı hərəkətinə görə cəzasını alıb. Epizodların birində rəqib müdafiəçisi Patrik Mtiliqanın üzünə dirsək zərbəsi endirən "Real"ın portuqaliyalı futbolçusu buna görə qırmızı vərəqə ilə cəzalanmışdı.
İspaniya Futbol Federasiyasının Hizam-İntizam Komitəsi Ronaldonu iki oyunluğa cəzalandırmağı lazım bilib. Bu da son deyil: Portuqaliya millisinin lideri 843 dollar məbləğində cərimə də ödəyəcək. Maraqlıdır ki, HİK Ronaldonun klubuna da 253 dollar məbləğində cərimə də kəsib. Amma "Kral klubu" HİK-in bu qərarlarından razı deyil. Madridlilər Ronaldoya verilən cəzadan şikayət etmək qərarına gəlib. Onlar hətta futbolçusunun həmin vəziyyətdə bilərəkdən rəqibinə xəsarət yetirmədiyini sübut etmək üçün HİK-ə "Barselona" ilə "Sevilya" arasında bu yaxınlarda keçirilən oyunundakı buna bənzər epizodun videotəkrarını da təqdim etmək fikrindədirlər.
Xatırladaq ki, Lionel Messi ilə Mark Valyente arasında baş verən analoyi hadisəyə görə heç kim cəzalanmamışdı. Onların şikayəti rədd ediləcəyi halda Kriştiano "Deportivo" və "Espanyol"la növbəti oyunları kənardan izləməli olacaq.

+  -  Çap