Vətəndaşlardan 24 kiloqrama yaxın narkotik götürülüb

Hüquq-mühafizə orqanları vətəndaşlardan külli miqdarda narkotik vasitə götürüb. DİN-in mətbuat xidmətindən "Kaspi"yə verilən məlumata görə, Biləsuvar RPŞ və rayon Gömrük İdarəsi əməkdaşlarının birgə keçirdikləri əməliyyat tədbirləri nəticəsində 17 kiloqrama yaxın narkotik vasitə götürülüb. Bərdə rayon sakinləri Cəlil Cabbarovdan və Ruslan İbrahimovdan külli miqdarda - 14 kiloqram 895,1 qram narkotik vasitə olan həşiş və 2 kiloqram 11,3 qram heroin götürülüb. Yardımlı RPŞ əməkdaşlarının keçirdikləri əməliyyat tədbirləri nəticəsində Arus kənd sakini Samir Bağışovdan külli miqdarda - 6 kiloqram narkotik vasitə olan həşiş qətranı aşkarlanaraq götürülüb.
DİN-nin Çevik Polis Alayı və Nərimanov rayon Polis İdarəsinin 16-cı Polis Bölməsi əməkdaşlarının keçirdikləri əməliyyat-axtarış tədbirləri nəticəsində marixuana satmaq istəyən şəxslər həbs edilib. Saxlanılan Mingəçevir şəhər sakini Fərid Cəfərov və əvvəllər məhkum olunan Bakı şəhər sakini Mirvaleh Əhmədovdur. Hər üç faktla bağlı araşdırmalar aparılıb.

+  -  Çap