İqtisadi İnkişaf Nazirliyi tərəfindən 2009-cu il ərzində 2 kommersiya hüquqi şəxsin 2 qrant müqaviləsi (qərarı) qeydiyyata alınıb. Bu proses "Qrant alınmasına (verilməsinə) dair müqavilələrin (qərarların) qeydiyyata alınması Qaydaları"na müvafiq olaraq kommersiya hüquqi şəxslərin müraciətləri əsasında həyata keçirilib. Nazirliyin mətbuat xidmətindən qəzetimizə bildirilib ki, qrant müqavilələri üzrə alınmış vəsaitin ümumi məbləği 125 min ABŞ dolları təşkil edib. Alınmış vəsaitlər qeyri-bank kredit təşkilatının virtual xüsusi şəbəkə - intranet sisteminin yaradılmasının təmin edilməsi, dil və mədəniyyəti Azərbaycan dilində öyrənmək üçün materialların ana dilinə yüksək keyfiyyətli tərcüməsi və nəşrinin dəstəklənməsinə yönəldilib. Bununla belə, ötən müddətdə 1 kommersiya hüquqi şəxsə qarşı İnzibati Xətalar Məcəlləsinə uyğun olaraq cərimə də tətbiq edilib. Cərimə qrant alınması haqqında müqavilələrin surətinin qeydiyyat üçün İqtisadi İnkişaf Nazirliyinə təqdim olunması səbəbəbindən tətbiq edilib. Nazirlikdən qeyd edilib ki, həmin vəsaitin dövlət büdcəsinə ödənilməsi artıq təmin olunub.


HƏQİQƏT

+  -  Çap