Azərbaycan Dövlət Gömrük Komitəsinin (ADGK) əməkdaşları tərəfindən aparılan yoxlamalar zamanı Azərbaycandan Rusiya Federasiyası istiqamətində gedən 55 saylı "Bakı-Moskva" qatarının sərnişinindən narkotik vasitə aşkarlanıb.
ADGK-dan "APA-Economics"ə verilən məlumata görə, Xaçmaz Gömrük İdarəsinin "Yalama" gömrük postunda gömrük baxışı keçirilən zaman həmin qatarın 5-ci vaqonunda sərnişin olan Rusiya vətəndaşı Şükürov Şahin Şükür oğluna məxsus kostyum çexolunun içərisində 2 ədəd bağlamda 6 kiloqram 120 qram narkotik vasitə-həşiş qətranı gömrük əməkdaşları tərəfindən aşkar edilərək götürülüb. Daha bir fakt isə Astara gömrük məntəqəsində aşkarlanıb. Belə ki, İran İslam Respublikasından Azərbaycana gələn Rusiya Federasiyasının vətəndaşı İbrahimova Nazqaid Xəlil-İbrahimovnaya məxsus üç ədəd dəmir qutu sərnişin-nəqliyyat şöbəsində gömrük nəzarətindən keçirilərkən, qutuların içərisində gizlədilmiş ümumi çəkisi 3 kq 10 qram olan həşiş qətranı və ümumi xalis çəkisi 705 qram olan tiryək aşkar edilərək götürülüb.
Qeyd olunan fakt üzrə Dövlət Gömrük Komitəsinin İstintaq İdarəsində CM-nin 206.2 və 234.4.3-cü maddələri ilə cinayət işi qaldırılıb, istintaq aparılıb.

+  -  Çap