2012-ci ilin yanvar ayında istehlak mallarının qiymətləri və xidmət tarifləri əvvəlki ayla müqayisədə 0,1 faiz, o cümlədən, ərzaq məhsullarının qiymətləri 0,1 faiz bahalaşıb. Dövlət Statistika Komitəsi məlumat verir ki, hesabat dövründə qeyri-ərzaq malları və əhaliyə göstərilən pullu xidmətlərin qiymət və tarifləri dəyişməz qalıb.

Yanvar ayında ərzaq məhsullarından manna yarmasının, qoyun ətinin, kolbasa məmulatlarının, sterilizə olunmuş üzlü südün, kərə yağının, qarğıdalı yağının, naringinin, almanın, armudun, heyvanın, narın, şabalıdın, kələmin, qoz və fındığın, qiyməti bahalaşıb. Ay ərzində bahalaşma ilə yanaşı, bəzi ərzaq məhsullarının qiymətlərində ucuzlaşma da müşahidə olunub ki, bu əsasən unun, qarabaşaq yarmasının, çörəyin, mal və toyuq ətinin, təzə balığın, yumurtanın, günəbaxan və zeytun yağlarının, limonun, bananın, portağalın, göyərtinin, çuğundurun, kökün, sarımsağın, soğanın, kartofun və s. məhsulların qiymətlərində baş verib.

+  -  Çap