"Spartak"ı gələn il də Karpin çalışdıracaq

Valeri Karpin ötən mövsümün çox hissəsində "Spartak"a çalışdırsa da, A kateqoriyalı məşqçi lisenziyasına malik deyildi. Ötənlərin məşhur futbolçusu bu boşluğu yalnız bazar ertəsi aradan qaldırıb.
Əslində "Spartak"ın baş direktoru vəzifəsini icra edən Karpin bu həftənin əvvəlində Ali Məşqçilər Məktəbini bitirib. O, növbəti mövsümdən rəsmən "ağ-qırmızılar"ın çalışdırıcısı sayılacaq: "Artıq son imtahanları da vermişəm. Həticələri bilməsəm də, A kateqoriyalı lisenziyaya layiq görüldüyümü öyrənmişəm. Deməli, yeni mövsümdən rəsmən komandanın baş məşqçisi sayılacam. Onu da deyim ki, rəhbərlik artıq mənim komandanı çalışdıracağıma qərar verib. Bu məsələdə yalnız rəsmi bəyanatın verilməsi qalıb". Maraq üçün Karpindən başqa Andrey Qordeyev, Andrey Kançeliskis və Oleq Paşininin də sınaqlardan uğurla çıxaraq A kateqoriyalı lisenziya aldığını əlavə edək. Karpinə gəlincə, onun vaxtilə futbolçu kimi şərəfini qoruduğu "Spartak"la yenicə başa çatan mövsümdə gümüş medallara sahib çıxdığını da bildirək.

+  -  Çap