Üç nəfər saxlanılıb

Hüquq-mühafizə orqanları oğurluq faktının üstünü açıb. DİN-in mətbuat xidmətindən «Kaspi»yə verilən məlumata görə, İsmayıllı və Ucar RPŞ əməkdaşlarının birgə həyata keçirdikləri əməliyyat-axtarış tədbirləri nəticəsində mal-qara oğruları yaxalanıb. Saxlanılan Ağdam rayon sakini Səxavət Quliyev Talıstan kəndinin otlaq sahəsindən kənd sakini Ağabala Novruzova məxsus 9 baş qoyunu oğurlayıb.

Oğurluq etdiklərinə görə Abşeron RPŞ əməkdaşları tərəfindən tutulan İlkin Mehdizadənin və Təbriz Ağasıyevin ətrafında aparılan əməliyyat tədbirləri nəticəsində əlavə cinayət əməlləri üzə çıxıb. Hər iki şəxs Əliabbas Bağırova məxsus "VAZ-2106" markalı, habelə, İ.Mehdizadənin Əli Xudakərimovla birgə İlqar Tağıyeva məxsus "VAZ-2107" markalı avtomaşınları qaçırmaları da müəyyən edilib. Faktla bağlı araşdırmalar davam etdirilir.

+  -  Çap