İnanılmaz təsir bağışlasa da, belədir

ABŞ-da azyaşlı övladlarını gözəllik müsabiqələrinə yollayan analar hər vasitəyə əl atırlar. Milli.Az xəbər portalı TLC-yə istinadən bildirir ki, Birləşmiş Ştatlarda uşaqlar arasında gözəllik müsabiqələrinin 4 yaşlı ulduzu Meddi Cekson son yarışda podiuma çıxanda onu görənlər şoka düşüblər.

Qız iri sinəli məşhur kantri müğənnisi Dolli Partonun sanki kiçik surəti idi. Meddi pamperslərdən bu yaxınlarda "ayrılsa" da, onun anası yeni trendin tərəfdarıdır.


Bu başabəla ana qızının sinəsinin ölçülərini böyütmək üçün Meddini eybəcər görkəmə salıb. Balaca Meddi də "Toddlers and Tiara" yarışına bu görkəmdə qatılıb.


Bu biabırçılıq amerikalıları hiddətləndirdiyindən Meddinin anası Lindsi Cekson NBC telekanalına verdiyi müsahibəsində özünə bəraət qazandırmağa çalışıb: "Çoxları bunu biabırçılıq saysa da, qızımı daha cazibədar etmək qərarına gəldim. Meddinin sinəsini toyuq filesi, yanlarını isə xüsusi pambıq yastıqcıqlarla böyütdüm. İstedadlı qızımın müsabiqədə daha çox xal qazanmasını istədim".

Birləşmiş Ştatlarda minlərlə ana "Toddlers and Tiaras" teleşousunu rəzalət adlandıraraq bu müsabiqənin dayandırılmasını tələb edirlər.

+  -  Çap