Burada sizin reklamınız ola bilər
(012) 510 61 93

AZE | RUS | ENG |

Özbəkistanın Margilan şəhərində Azərbaycan-Özbəkistan ədəbi-mədəni əlaqələrinə dair tədbir keçirilib

Date: 02 Oktyabr 2019, 18:21, Oxunma sayı: 236
Özbəkistanın Margilan şəhərində Azərbaycan-Özbəkistan ədəbi-mədəni əlaqələrinə dair tədbir keçirilib
Tədbirdən öncə Azərbaycan Milli Məclisinin deputatı Qənirə Paşayevanın rəhbərliyi ilə nümayəndə heyəti Margilan şəhərindəki Yaradıcılar parkında olub, Xalq şairi, ictimai xadim, Özbəkistan qəhrəmanı Erkin Vahidovun buradakı abidəsi önünə gül-çiçək dəstələri qoyub.
Azərbaycandan gələn qonaqlar parkdakı "Erkin Vahidov” muzeyi, sonra  Erkin Vahidov adına Yaradıcılıq məktəbi ilə tanış olublar. Məlumat verilib ki, məktəbdə yaradıcılıq qabiliyyəti olan uşaqlar 5-ci sinifdən 11-ci sinfədək təhsil alır və Məktəbdə müasir inovasiyalar, maraqlı tədris üsulları tədbiq edilir.
Erkin Vahidov adına Yaradıcılıq məktəbində təşkil olunan tədbirdə çıxış edən Özbəkistan Yazıçılar İttifaqı Fərqanə şöbəsinin rəhbəri, şair Enaxon Suddikova iki xalq arasında ədəbi-mədəni əlaqələr sahəsində əməkdaşlığın inkişaf etdiyini, bu istiqamətdə görülən işlərdən söhbət açıb. Natiq Azərbaycan ziyalılarının, yazıçı və şairlərinin Özbəkistana hər bir səfərinin maraqlı olduğunu və əməkdaşlıq üçün yeni imkanlar aşdığını söylərib.   
Millət vəkili Qənirə Paşayeva çıxışında Özbəkistanda özünü Azərbaycandakı kimi hiss  etdiyini, özbək xalqını çox sevdiyini bildirib. O, ikitərəfli qardaşlıq əlaqələri, ədəbiyyat sahəsində əməkdaşlıq, Səməd Vurğunla Qafur Qulamın, digər şair və yazııçılarımızın yaradıcılıq əlaqələrini örnək kimi qeyd edib.
Deputat vurğulayıb ki, böyük özbək şairi Əlişir Nəvai Nizami Gəncəvini özünün ustadı hesab edib və ədəbiyyat tarixinə türk dilində "Xəmsə” yaradan ilk şair kimi düşüb.
Deputat Ermənistan-Azərbaycan, Dağlıq Qarabağ münaqişəsi haqqında da söhbət açıb, Özbəkistanın bu məsələdə ədalətli mövqeyini vurğulalyıb və bunun üçün ölkə rəhbərlərinə minətdarlığını bildiirib.
Fərqanə vilayət hakiminin müavini Feyzulla Kasimov ölkələrimizin regionları arasında əlaqələrin yaradılması və inkişafından danışıb. Qeyd edib ki, məktəblərimizin, universitetlərimizin əlaqələr yaratması gələcəkdə tərəflər üçün daha faydalı ola bilər. Belə ki, azərbaycanlı uşaqlar Özbəkistanın, özbək şagird və tələbələri isə Azərbaycanın tarixini, mədəniyyətini, ədəbiyyatını öyrənmək imkanı əldə edə bilərdilər.
Özbəkistandakı Heydər Əliyev adına Azərbaycan Mədəniyyət Mərkəzinin direktoru Samir Abbasov iki ölkə arasında mədəni əlaqələrdən danışıb, Azərbaycanda və Özbəkistanda keçirilən Beynəlxalq Muğam, Aşıq Festivallarında hər iki tərəfin aktiv iştirak etdiyini, xalqlarımızı birləşdirən muğam sənəti, aşıq sənəti, Novruz bayramı, milli mətbəximiz haqqında məlumat verərək, milli mədəni irsimizin dünyaya təbliğ edilməsi istiqamətində xeyli iş görüldüyünü bildirib. Natiq Heydər Əliyev Fondunun, Mədəniyyət Nazirliyinin layihələri haqqında danışaraq, görülən işlərin öz uğurlu nəticəsini verdiyini qeyd edib.
Tədbirdə iki ölkə dostluğuna həsr olunmuş və Margilan məktəbliləri tərəfindən hazırlanmış bədii kompozisiya təqdim edilib.
 


Paylaş:

Facebook-da

Xəbər lenti

TOP10

Valyuta məzənnəsi

Tipi Ədə. Adı AZN
USD 1 1 ABŞ dolları 1.7
EUR 1 1 Avro 1.8752
GEL 1 1 Gürcüstan larisi 0.5727
GBP 1 1 İngiltərə funt sterlinqi 2.1433
IRR 100 100 İran rialı 0.004
SEK 1 1 İsveç kronu 0.1733
CHF 1 1 İsveçrə frankı 1.7072
KWD 1 1 Küveyt dinarı 5.5963
TRY 1 1 Türkiyə lirəsi 0.2883