“Yuventus” təzyiq etdi, Rumıniya klubu adını dəyişdi
Rumıniyanın "Yuventus” klubu adını və loqosunu dəyişəcək.
Kaspi.az xəbər verir ki, Buxarest təmsilçisi İtaliya nəhəngi
"Yuventus”un təzyiqindən sonra bu addımı atmalı olub. "Yuventus” bu il Rumıniya
elitasına vəsiqə əldə edib.
Bundan sonra isə İtaliya nəhənginin diqqətini cəlb edib. Komandaların
loqoları demək olar ki, oxşardır. Turinlilərin təzyiqindən sonra klub adını
dəyişməyə qərar verib. Rumıniya "Yuventus”u növbəti mövsümdən "Kolentina”
adlanacaq.
Buxarest "Yuventus”u 1992-ci ildə yaradılıb.