AZƏRBAYCANDA KORONAVIRUSLA BAĞLI XƏBƏRLƏR

Yeni ildə bir həftə qeyri-iş günləri olacaq

Yeni ildə bir həftə qeyri-iş günləri olacaq

Təfsilat
22 Dekabr 2012, 09:56 2334
Yeni il bayramı və Dünya Azərbaycanlılarının Həmrəylik Günü ilə əlaqədar Azərbaycanda qeyri-iş günlərinin yerləri dəyişdirilib. Bu barədə şənbə günü Trend-ə Nazirlər Kabinetindən məlumat verilib.

Nazirlər Kabinetinin qərarına əsasən, Yeni il bayramı və Dünya Azərbaycanlılarının Həmrəylik Günü ilə bağlı dekabrın 31-i, yanvarın 1, 2, 3, 4-ü qeyri-iş günləri elan edilib.

Yanvarın 5-i və 6-sı şənbə və bazar gününə düşdüyündən, iş günü yanvarın 7-dən başlanacaq.

Qərara görə, bunun əvəzində dekabrın 29-u və 30-u iş günü elan edilib.

Dekabrın 31-i Dünya Azərbaycanlılarının Həmrəylik Günü, yanvarın 1, 2-si isə Yeni il bayramıdır.