Yağışda
Aralarındakı küsülülük birdən-birə
heç nədən oldu. Neçə ilin həmdəmi idilər. Növbəti dost məclisində yenə də köhnə
zarafatlar... Məclisdəkilərin də həmişəki kimi tərəfləri daha da qızışdırmaq
üçün atdıqları köhnə atmacaları...
Dostların da, guya ki, bir-birindən inciyib növbəti küsülülükləri...
Əvvəlcə özünü qınadı, sonra da aranı qızışdıranları.
Hər gün görüşən dostlar bir həftə idi ki, bir-birlərinin üzlərini görmürdülər. Aradan günlər keçdikcə bir-birlərinə qarşı qəlblərindəki umu-küsü yavaş-yavaş incikliyə çevrilirdi.
- Mən nə dedim ki, belə xətrinə dəydi. Nə bilim ki, körpə bəbəymiş...
- Demə, tanımamışam onu... Nə biləydim ki, belə dəymə-düşərmiş...
Ürəklərində pıçıldadıqlarını sonra dost-tanış yanında, ayrı-ayrılıqda yadlar arasında da ucadan dilə gətirdilər...
Yadlar da birinin üstünə beşini qoyub dillərini dinc qoymadılar...
Köhnə dostları barışdırmaq fikrinə düşənlər tapılsa da, araçılıq etməyə cəsarət etmədilər. Fikirləşdilər ki, gecdir, sözləri yerə düşər...
Birdən bir-birlərinə dəyib necə toqquşdularsa onlara elə gəldi ki, deyəsən, ildırım vurdu, hər ikisinin gözlərindən qığılcım çıxdı. Elə bir zərblə toqquşmuşdular ki, səntirləyib az qala yıxılacaqdılar. Axır ki, özlərinə gəlib yağışdan başlarını qaldırmadan səslərinə güc verdilər:
- Korsan?
- Korsan?
Səslər hər ikisinə tanış, doğma gəldi. Elə buna görə də başlarını qaldırıb bir-birlərinin üzünə baxdılar. Dərhal da hər ikisi öz yoluna, əks tərəfə tələsdi.
Aydın Tağıyev
Dostların da, guya ki, bir-birindən inciyib növbəti küsülülükləri...
Və növbəti məclis qurmaq, yenə
bir yerə yığışıb yeyib-içmək, badə toqquşdurmaq üçün səbəb: "küsülüləri”
barışdırmaq...
Ancaq o keçəndəfəki məclisdə köhnə
dostlar həqiqətən bir-birindən inciyib ayrıldılar. Hər ikisi ürəklərində
bir-birlərindən küsdü. Gecədən xeyli keçmiş yatıb yuxusunu alan, məstliyi də
keçib gedən böyük dost özünə gələndə pərişan oldu; deyəsən, xətrinə dəydim.Əvvəlcə özünü qınadı, sonra da aranı qızışdıranları.
Balaca dost da gecənin bir aləmi
xeyli narahat olub yerinin içində o yan, bu yana çox çevrildi: – Paho, deyəsən,
bu dəfə bəmdən zilə yaman qalxdım... Yəqin incidi məndən...
Beləcə narahat-nigaran fikirlər
içində səhəri dirigözlü açan köhnə dostlar öz-özlərinə təsəlli verib
toxtadılar; dostlar barışdırar... Bir neçə gündən sonra bir dostun ad günündə
bir yerdə olacaqdılar.***
Tərslikdən iş belə gətirdi ki,
gözlənilən o ad günü baş tutmadı. Dostlar bir yerə yığışa bilmədi.
Hər gün görüşən dostlar bir həftə idi ki, bir-birlərinin üzlərini görmürdülər. Aradan günlər keçdikcə bir-birlərinə qarşı qəlblərindəki umu-küsü yavaş-yavaş incikliyə çevrilirdi.
- Mən nə dedim ki, belə xətrinə dəydi. Nə bilim ki, körpə bəbəymiş...
- Demə, tanımamışam onu... Nə biləydim ki, belə dəymə-düşərmiş...
Ürəklərində pıçıldadıqlarını sonra dost-tanış yanında, ayrı-ayrılıqda yadlar arasında da ucadan dilə gətirdilər...
Yadlar da birinin üstünə beşini qoyub dillərini dinc qoymadılar...
Köhnə dostları barışdırmaq fikrinə düşənlər tapılsa da, araçılıq etməyə cəsarət etmədilər. Fikirləşdilər ki, gecdir, sözləri yerə düşər...
***
Günün şər qarışan bir çağında,
adamların işdən çıxıb evlərinə tələsdikləri bir vaxtda göy guruldadı, buludlar
toqquşdu, bir leysan başladı ki, adamlar əlbəəl pərən-pərən düşdülər. Yağış elə
tökürdü ki, heç kim başını qaldırıb irəli addım atdığı qarşısına baxa bilmirdi.
Adamlar elə bil korafəhm qabağa tələsirdilər.
***
Birdən bir-birlərinə dəyib necə toqquşdularsa onlara elə gəldi ki, deyəsən, ildırım vurdu, hər ikisinin gözlərindən qığılcım çıxdı. Elə bir zərblə toqquşmuşdular ki, səntirləyib az qala yıxılacaqdılar. Axır ki, özlərinə gəlib yağışdan başlarını qaldırmadan səslərinə güc verdilər:
- Korsan?
- Korsan?
Səslər hər ikisinə tanış, doğma gəldi. Elə buna görə də başlarını qaldırıb bir-birlərinin üzünə baxdılar. Dərhal da hər ikisi öz yoluna, əks tərəfə tələsdi.
***
İki-üç addım atıb dayandı, yağış
onu islatsa da yerindən tərpənmədi. Geri boylandı. Onunla toqquşan adam da
leysan yağışın altında eləcə dayanıb durmuşdu.
Göydə ildırım çaxsa da, leysan
daha da gurlaşsa da heç biri indi bunlara məhəl qoymayıb yağışdan qaçmaq,
yollarına davam etməyə tələsmirdilər. Bir-birinə baxa-baxa qalmışdılar. Elə
bil çaxan ildırım aralarındakı neçə illik xatirələrə işıq salmışdı...***
Yağış altda beləcə nə qədər
durduqlarından xəbərləri olmadı. Bir də onda ayıldılar ki, yağış onları
islahatdan çıxartsa da bir-birlərinə tərəf qaçıb qucaqlaşıblar. Elə bil?
bir-birlərinin ürəklərindən keçən səsləri də eşidirdilər: "Bizi bir-birimizdən
başqa heç kim barışdırmayacaq...”
Hər ikisinin yanaqlarından su
süzülürdü. Heç bilmirdilər ki, göz yaşlarıdır, yoxsa yağış damcıları. Heç bunun
fərqində də deyildilər.Aydın Tağıyev