“Xəzəryanı üçlüy”ün bir hədəfi var
Bu gün Tehranda Azərbaycan,
Rusiya və İran prezidentləri – İlham Əliyev, Vladimir Putin və Həsən Ruhaninin
növbəti üçtərəfli görüşü keçiriləcək. "Nezavisimaya qazeta” da dərc edilən
məqalədə qeyd edilir ki, "Xəzəryanı üçlüyü”ün görüşü "Şimal-Cənub” nəqliyyat
dəhlizinin inkişafına həsr olunub. Bu nəqliyyat dəhlizi vasitəsilə Hindistan və
Fars körfəzi ölkələrindən gələn yüklərin Rusiya, Qərbi Avropa, Baltik və
Skandinaviya ölkələrinə daşınması nəzərdə tutulub. Nəqliyyat dəhlizinin
yaradılması təşəbbüsü 1993-cü ildən müzakirə olunsa da, yalnız 2000-ci ildə müvafiq
razılaşma əldə olunub. İran, Azərbaycan və Türkiyə hökumətlərarası
razılaşmasına görə, üç ölkə Xəzərin qərb sahili ilə quruda İranın Qəzvin
şəhərindən Azərbaycanın Astara şəhərinə dəmir yolunun inşasını təşkil etmək
istəyirlər. "İlham Əliyev bəyan edib ki, Şimal-Cənub nəqliyyat dəhlizinin
Azərbaycana aid hissəsinə bütün inşa işləri ötən il başa çatıb. Rusiya Dəmir
Yolları İdarəsi isə ötən həftə bəyan edib ki, Şimal-Cənub” nəqliyyat dəhlizi
ilə bu ilin doqquz ayı ərzində 4,7 mln. ton yük daşınıb. Ötən həftə Həştərxanda
ilk dəfə olaraq Rusiya ərazisində İran Ticarət Evi açılıb. Məlumat üçün
bildirək ki, bu regionun xarici ticarət dövriyyəsinin 30 faizi İranın payına
düşür. Bu səbəbdən də ticarət evinin açılması Həştərxan, o cümlədən İran üçün
mühüm əhəmiyyət kəsb edir.
Tehran sammiti ərəfəsində
ekspertlər ölkələrin iqtisadi əməkdaşlığının səviyyəsini analiz ediblər.
Xüsusən də İran maraq kəsb edir. Belə ki, bu ölkə beynəlxalq iqtisadi
sanksiyalar üzündən uzun müddətdir ki, kənarda qalıb. İndi də itirilən
mövqelərinin geri qaytarmağa çalışır. "O ki qaldı Azərbaycana, onunla
əməkdaşlığın səviyyəsi Rusiya rəhbərliyinin tam qane edir. Rusiya prezidenti bu
günlərdə bəyan edib ki, Azərbaycanda 600-dək Rusiya şirkəti çalışır, birbaşa
investisiyaları isə 1,5 mlrd. dollar təşkil edir. Avqust ayına ölkələr arasında
ticarət dövriyyəsi 1709,1 mln. dollar təşkil edib. Ötən ilin yekunlarına görə,
Rusiya ilə İran arasında ticarət dövriyyəsi 2 mlrd. dollar təşkil edib”, -deyə
qəzet yazır.
Öz növbəsində Rusiya Strateji
Araşdırmalar Mərkəzinin Yaxın və Orta Şərq bölümünün rəhbəri Vladimir Fitin
bildirir ki, son vaxtlar Rusiyadan İrana kağız, paltar, qara metal ixracı
artıb. Rusiya Ticarət Palatasının Rusiya-İran işgüzar şurasının rəhbəri
Vladimir Obıdennov də bildirir ki, İrana dəmir yolu vaqonlarının ixracı səkkiz
dəfə artıb. "Lakin qeyd edilir ki, Xəzəryanı dövlətlərin iqtisadi əməkdaşlığı
müvafiq sənədlərin razılaşdırılmaması üzündən tormozlanır. Bura ilk növbədə
Xəzərin statusunun hələ də müəyyən olunmamasını daxil etmək olar. Bu il onun
imzalanması barədə söhbətlər dolaşsa da, bu, çox böyük ehtimalla baş
tutmayacaq. 20 il bununla bağlı danışıqlar getsə də, real olaraq 2014-cü ildə,
Həştərxan sammitində razılaşma əldə olunmasına ümidlər yaranıb. Rusiya
bioresursların qorunması üzrə Konvensiyanın imzalanmamasından da narazıdır. Bu
məsələlərin də sammitdə müzakirə olunacağı gözlənilir”, -deyə qəzet yazır. Məqalədə
vurğulanır ki, Rusiya və İran qarşılıqlı neft və digər malların da ticarətinə
başlayacaqlar. Tərəflər İran neftinin ixracı ilə bağlı akkreditivlərin açılması
problemlərini həll ediblər - hər iki dövlət yaxın vaxtlarda neft ticarətinə
başlayacaq: "İran neft nazirinin müavini Əmirhüseyn Zamaniniya bildirib ki,
sazişin şərtlərinə uyğun olaraq, İran Neft Şirkəti Rusiyaya gün ərzində 100 min
barel neft satacaq və bir neçə həftədən sonra natural formada haqqını alacaq”.
Öz növbəsində Türkiyədə ərəb dilində
dərc olunan "Donya-e
Eqtesad” yazır ki, Rusiya prezidentinin İran səfərində əsas diqqət
həm də Suriya məsələsi olacaq. "Bu günlərdə Rusiya müdafiə naziri Sergey Şoyqu İsraildə
səfərdə olub. Tərəflər arasında silah alınması barədə razılıq əldə olunub.
İranda keçiriləcək danışıqlarda da tərəflər bu sazişin İranın maraqları üçün
təhlükə olub-olmadığı müzakirə edilə bilər”, - deyə qəzet yazıb.
Azər