Xaricdə alınan diplomun tanınması prosesi - Müsahibə
Vətəndaşlar necə addım atmalıdırlar ki, əziyyətləri və xərcləri
boşuna getməsin?
Xarici dövlətlərin ali təhsil sahəsində ixtisaslarının tanınması dedikdə, xarici dövlətlərin səlahiyyətli orqanları tərəfindən verilmiş, ali təhsil proqramının uğurla bitirilməsini təsdiq edən, bu və ya digər dərəcə verən hər hansı sənədin, diplomun, yaxud başqa bir şəhadətnamənin Azərbaycan ərazisində qüvvədə olmasının təsdiqi başa düşülür. Ali təhsil sahəsində ixtisasların ekvivalentliyinin müəyyən edilməsi (nostrifikasiyası) isə xarici dövlətlərin səlahiyyətli orqanları tərəfindən bu ixtisasların alındığını təsdiq edən sənədlərin sahiblərinə Azərbaycan Respublikasında verilmiş ali təhsil haqqında sənədlərin sahiblərinin malik olduqları eyni akademik və peşə hüquqlarının verilməsi deməkdir. Hazırda Azərbaycan ərazisində xarici dövlətlərin ali təhsil sahəsində ixtisaslarının tanınması və ekvivalentliyinin müəyyən edilməsi (nostrifikasiyası) Nazirlər Kabinetinin 13 may 2003-cü il tarixli, 63 saylı qərarı ilə tənzimlənir. Bu yaxınlarda xarici ali təhsil ixtisasının ölkəmizdə tanınması və nostrifikasiyası qaydaları ilə bağlı əsas məqamlar açıqlanıb.
Qeyd edək ki, xaricdə müxtəlif ali məktəbləri bitirib qayıdan məzunlar, bəzən diplomlarının tanınması və ya ixtisaslarının nostrifikasiyası (ekvivalentliyin müəyyən edilməsi) ilə bağlı müəyyən problemlərlə üzləşirlər. Vətəndaşlar necə addım atmalıdırlar ki, əziyyətləri və xərcləri boşuna getməsin?
Təhsil Nazirliyi yanında Təhsildə Keyfiyyət Təminatı Agentliyi mövzu ilə bağlı "Kaspi”nin suallarını cavablandırıb:
Təranə Məhərrəmova
Xarici ali təhsil ixtisasının ölkədə tanınması və nostrifikasiyası üçün Təhsildə Keyfiyyət və Təminatı Agentliyinə müraciət edilməlidir.
Ərizələrin qəbulu yalnız elektron qaydadawww.tkta.edu.azinternet səhifəsi vasitəsilə həyata keçirilir. İnternet səhifəsində "Nostrifikasiya – Tələb olunan sənədlər” bölməsində müvafiq sənədlərin siyahısı və yüklənmə qaydası barədə məlumat verilir.
Proses zamanı rast gəlinən hər hansı problemlə bağlı şəxsiyyət vəsiqəsinin FİN kodu qeyd edilməklə,[email protected]ünvanına müraciət etmək olar.
Agentliyin fəaliyyəti istiqamətində dövlət xidmətlərinin göstərilməsini təmin etmək üçün 1 iyul tarixinədək müraciətlər 146-1 Telefon Məlumat Mərkəzi, eləcə də[email protected]ə [email protected] poçt ünvanları vasitəsilə cavablandırılacaq.
Vətəndaşların Agentliyin internet saytının (www.tkta.edu.az) "Nostrifikasiya” və "Mütəmadi verilən suallar" bölmələri ilətanış olması tövsiyə olunur.
Xarici dövlətlərin ali təhsil sahəsində ixtisaslarının tanınması dedikdə, xarici dövlətlərin səlahiyyətli orqanları tərəfindən verilmiş, ali təhsil proqramının uğurla bitirilməsini təsdiq edən, bu və ya digər dərəcə verən hər hansı sənədin, diplomun, yaxud başqa bir şəhadətnamənin Azərbaycan ərazisində qüvvədə olmasının təsdiqi başa düşülür. Ali təhsil sahəsində ixtisasların ekvivalentliyinin müəyyən edilməsi (nostrifikasiyası) isə xarici dövlətlərin səlahiyyətli orqanları tərəfindən bu ixtisasların alındığını təsdiq edən sənədlərin sahiblərinə Azərbaycan Respublikasında verilmiş ali təhsil haqqında sənədlərin sahiblərinin malik olduqları eyni akademik və peşə hüquqlarının verilməsi deməkdir. Hazırda Azərbaycan ərazisində xarici dövlətlərin ali təhsil sahəsində ixtisaslarının tanınması və ekvivalentliyinin müəyyən edilməsi (nostrifikasiyası) Nazirlər Kabinetinin 13 may 2003-cü il tarixli, 63 saylı qərarı ilə tənzimlənir. Bu yaxınlarda xarici ali təhsil ixtisasının ölkəmizdə tanınması və nostrifikasiyası qaydaları ilə bağlı əsas məqamlar açıqlanıb.
Qeyd edək ki, xaricdə müxtəlif ali məktəbləri bitirib qayıdan məzunlar, bəzən diplomlarının tanınması və ya ixtisaslarının nostrifikasiyası (ekvivalentliyin müəyyən edilməsi) ilə bağlı müəyyən problemlərlə üzləşirlər. Vətəndaşlar necə addım atmalıdırlar ki, əziyyətləri və xərcləri boşuna getməsin?
Təhsil Nazirliyi yanında Təhsildə Keyfiyyət Təminatı Agentliyi mövzu ilə bağlı "Kaspi”nin suallarını cavablandırıb:
- Xarici ali təhsil ixtisaslarının
ölkəmizdə tanınması və nostrifikasiya prosesi hansı qaydalar əsasında
keçirilir?
- Xaricdə əldə olunmuş ali təhsil ixtisasların
tanınması ölkəmizin də tərəfdaş çıxdığı Lissabon Konvensiyasının prinsipləri və
Azərbaycan Respublikası Nazirlər Kabinetinin 13 may 2003-cü il tarixli, 64
saylı qərarı ilə təsdiq edilmiş "Xarici dövlətlərin ali təhsil sahəsində
ixtisaslarının tanınması və ekvivalentliyinin müəyyən edilməsi
(nostrifikasiyası) Qaydaları”nın müddəaları əsasında həyata keçirilir.
- Azərbaycanın qonşu ölkələrlə
diplomların qarşılıqlı şəkildə qeyd-şərtsiz tanınması ilə bağlı razılaşması
olubmu? Müqavilə tərəfdarları şərtləri yerinə yetirirmi?
- Sözügedən mövzuda bir neçə MDB
dövlətləri ilə Azərbaycan Respublikası arasında müvafiq Sazişlər imzalanıb. Bu
ölkələrə misal olaraq Rusiya Federasiyasını, Belarus Respublikasını və
Ukraynanı göstərmək olar. Lakin sözügedən Saziş ali təhsil sənədlərinin qarşılıqlı
tanınması zamanı tərəfləri hər iki ölkənin qanunvericiliyində müəyyən edilmiş
ümumi tələbləri gözləməkdən azad etmir. Eyni zamanda, hazırkı Sazişlərin
müddəalarının təfsiri və ya tətbiqi ilə bağlı yarana biləcək fikir ayrılıqları
diplomatik kanallar və məsləhətləşmələr vasitəsilə həll edilir.
- Bütün ixtisaslar ekvivalentini
(nostrifikasiya üzrə) tapırmı?
- Azərbaycan Respublikası Nazirlər Kabinetinin
müvafiq qərarı ilə təsdiq edilmiş "Xarici dövlətlərin ali təhsil sahəsində
ixtisaslarının tanınması və ekvivalentliyinin müəyyən edilməsi
(nostrifikasiyası) Qaydaları”nın 3.4-cü bəndinə əsasən, ekspertiza zamanı
sənədi verən ölkədə və Azərbaycan Respublikasında təhsilin müvafiq
strukturlarına qoyulan tələblərin uyğunluğu, tədris planının və proqramlarının
məzmunu, eləcə də öyrənilmiş fənlərin həcmi nəzərə alınaraq müəyyən olunur. Bu
səbəbdən, xaricdə alınan ali təhsil ixtisasının ekvivalentinin Azərbaycan
Respublikasının mövcud təhsil qanunvericiliyində nəzərdə tutulmuş ixtisasların
təsnifatında olması zəruridir. Əks təqdirdə, Qaydaların 3.7-ci bəndinə uyğun
olaraq, əldə olunmuş ixtisasın ölkə ərazisində tanınması və ekvivalentliyinin
müəyyən edilməsi (nostrifikasiyası) mümkün hesab edilmir.
- Rusiya, Ukrayna, Türkiyə, Gürcüstan
ali məktəblərindən məzun olanlar təhsil sənədlərinin tanınması üçün müraciət
edəndə hamısının diplomu tanınırmı?
- Ali təhsil sahəsində əldə edilmiş ixtisasların
tanınması prosesi Azərbaycan Respublikası Nazirlər Kabinetinin müvafiq qərarı
ilə təsdiq edilmiş "Xarici dövlətlərin ali təhsil sahəsində ixtisaslarının
tanınması və ekvivalentliyinin müəyyən edilməsi (nostrifikasiyası)
Qaydaları”nda nəzərdə tutulmuş meyarlar üzrə həyata keçirilir. Sözügedən
meyarlar üzrə təhlilin nəticəsi müsbət qiymətləndirilərsə, əldə olunmuş ali təhsil
ixtisasının tanınması mümkün hesab edilir.
- Diplom tanınması ilə bağlı imtinanın
əsas səbəbləri nədir? Mənfi rəy alanların taleyi necə olur? TN onlara hansı
dəstəyi göstərə bilir?
- Azərbaycan Respublikası Nazirlər Kabinetinin 13
may 2003-cü il tarixli, 64 saylı qərarı ilə təsdiq edilmiş "Xarici dövlətlərin
ali təhsil sahəsində ixtisaslarının tanınması və ekvivalentliyinin müəyyən
edilməsi (nostrifikasiyası) Qaydaları”nın 3.7-ci bəndinə əsasən, Qaydaların
3.6-cı bəndində göstərilən əsasların biri üzrə mənfi rəy, ekvivalentlik
haqqında şəhadətnamənin verilməsinə imtina etmək üçün səbəb ola bilər. Yekun
olaraq mənfi rəy bir sıra hallarda verilə bilər: Xarici dövlətdə ali təhsil sahəsində ixtisas
almaq üçün ümumi normativ müddət Azərbaycan Respublikasında təhsilin dövlət
standartlarında nəzərdə tutulduğundan bir il az olduqda; Təhsil haqqında
sənədin verildiyi ölkədə onların sahiblərinə həmin sənədin verdiyi hüquqlar
Azərbaycan Respublikasında müvafiq sənədin verdiyi hüquqlardan az olduqda
(məsələn, onların sahiblərinin doktoranturaya daxil olmaq və ya peşə fəaliyyəti
ilə məşğul olmaq hüququ yoxdursa); Xarici ölkələrdə verilən təhsil,
istiqamətlər (ixtisaslar) üzrə qiyabi və əyani-qiyabi olduqda, lakin Azərbaycan
Respublikasında həmin istiqamət (ixtisas) üzrə belə təhsil formasına yol
verilmədikdə; Sənədi verən ölkədə və Azərbaycan Respublikasında təhsilin
müvafiq strukturlarına qoyulan digər tələblərin uyğunsuzluğu (təhsil müddətində
ciddi fərqlər, təhsil formasının distant olması, ali təhsil müəssisəsinin
akkreditasiyasının olmaması və s.) aşkarlandıqda.
Verilən qərarla razılaşmadığı təqdirdə, vətəndaşlar
Azərbaycan Respublikasının İnzibati Prosessual Məcəlləsinin 38-ci maddəsinə
əsasən, inzibati aktın təqdim (elan) olunduğu vaxtdan 30 gün müddətində qəbul
edilmiş qərara dair məhkəmədə iddia qaldıra bilərlər.- Saxta təhsil sənədi verən,
«diplom fabriki» kimi tanınan
müəssisələrin cəmiyyətdə tanınması istiqamətində hansı işlər görülməlidir ki,
insanlar aldanmasın?
- İlkin olaraq, vətəndaşların təhsil almaq
istədikləri ali təhsil müəssisəsini və təhsil proqramını (ixtisası) seçərkən
həmin müəssisəsinin (eləcə də, onun digər ölkələrdə fəaliyyət göstərən
filiallarının) və tədris proqramının (ixtisasın) akkreditasiyasının olmasına
diqqət yetirmələri tövsiyə olunur. Bu məqsədlə, ENIC-NARIC (Avropa İnformasiya
Mərkəzləri - Milli Akademik Tanınma üzrə İnformasiya Mərkəzləri) Şəbəkəsinin
rəsmi internet səhifəsinin (www.enic-naric.net) müvafiq ölkə üzrə nəzərdə
tutulmuş bölməsinə daxil olmaqla (yaxud yerli akkreditasiya orqanlarına
müraciət etməklə), həmin ölkə tərəfindən tanınan və akkreditə olunan ali təhsil
müəssisələrinin siyahısını əldə etmək mümkündür.
- Ümumiyyətlə,
gənclərin xaricdəki diplomu tanınmayan universitetlərə oxumağa göndərilməsində
rol oynayan təhsil şirkətləri ilə bağlı hansı addımlar atılır?
- Təhsil Nazirliyi xaricdə təhsil
sahəsində, o cümlədən nostrifikasiya proseduru ilə bağlı heç bir şirkətlə
əməkdaşlıq etmir və onların fəaliyyətlərinə görə heç bir məsuliyyət daşımır. Qeyd etmək
istərdik ki, xarici dövlətlərin səlahiyyətli qurumları tərəfindən tanınan ali
təhsil müəssisələrinin siyahısı hər il yeniləndiyindən, Təhsil Nazirliyi
tərəfindən Azərbaycan Respublikası ərazisində tanınan xarici ali təhsil
müəssisələri ilə bağlı hər hansı siyahı müəyyənləşdirilməyib.
- "Təhsil haqqında” qanunu və qaydaları
pozan şəxslər hansı məsuliyyət daşıyırlar?
- Sözügedən mövzuda hər hansı qanun pozuntusuna
rast gəlinməsi halında "İnzibati Xətalar Məcəlləsi”nin 181-ci Maddəsində
nəzərdə tutulmuş təhsil sahəsində qanunvericiliyin pozulması ilə bağlı bəndlər
rəhbər tutulur və aidiyyəti tədbirlər görülür.
Təranə Məhərrəmova
Xarici ali təhsil ixtisasının ölkədə tanınması və nostrifikasiyası üçün Təhsildə Keyfiyyət və Təminatı Agentliyinə müraciət edilməlidir.
Ərizələrin qəbulu yalnız elektron qaydadawww.tkta.edu.azinternet səhifəsi vasitəsilə həyata keçirilir. İnternet səhifəsində "Nostrifikasiya – Tələb olunan sənədlər” bölməsində müvafiq sənədlərin siyahısı və yüklənmə qaydası barədə məlumat verilir.
Proses zamanı rast gəlinən hər hansı problemlə bağlı şəxsiyyət vəsiqəsinin FİN kodu qeyd edilməklə,[email protected]ünvanına müraciət etmək olar.
Agentliyin fəaliyyəti istiqamətində dövlət xidmətlərinin göstərilməsini təmin etmək üçün 1 iyul tarixinədək müraciətlər 146-1 Telefon Məlumat Mərkəzi, eləcə də[email protected]ə [email protected] poçt ünvanları vasitəsilə cavablandırılacaq.
Vətəndaşların Agentliyin internet saytının (www.tkta.edu.az) "Nostrifikasiya” və "Mütəmadi verilən suallar" bölmələri ilətanış olması tövsiyə olunur.