Xalqın mənəvi ruhu vecinə də deyil, sağlamlıq təhlükədədir

"Tottenhem”in futbolçusu, hazırda icarə əsasında "Nyukasl”da çıxış edən Denni Rouz Premyer Liqanın bərpa olunacağı ilə bağlı yayılan xəbərə münasibət bildirib.

Kaspi.az xəbər verir ki, Rouz çempionatın bərpasının əleyhinədir. O, sağlamlığın ən ümdə şərt olduğunu qabardıb:

"Hakimiyyət nümayəndələri deyir ki, futbol xalqın mənəvi ruhunu qaldıracaq. Xalqın mənəvi ruhu mənim vecimə də deyil, sağlamlğımız təhlükədədir.

Virusa yoluxanların sayında kəskin azalma olmayana qədər, çempionatın bərpasından danışmaq yersizdir. Bu cəfəngiyatdır. Cümə günü tesdən keçəcəyəm. Gözləyək, görək nə olur.

İnsanların ağrıması və ölməsi mənə pis təsir edir. Belə vaxtda futbol ən axırıncı yerdə olmalıdır”.