Bakı 21°C
Vitse-prezidentin evinə hücum etdilər, ölümlə hədələdilər
"Mançester
Yunayted”in vitse-prezidenti Ed Vudvordun evinə basqın olub.
Kaspi.az xəbər
verir ki, hadisə yanvarın 28-dən 29-na keçən gecə baş verib. Fanat qruplarından
birinin üzvləri Vudvordun evinə tüstü bombası, partlayıcı maddələr atıblar,
darvazaları isə rəngləyiblər.
Fanatlar
darvazanın üzərinə "Vudvord ölməlidir” təhdidini də yazıblar. Polis araşdırmaya
başlayıb. MY isə məsələ ilə bağlı bəyanat yayıb:
"Bizim əməkdaşın
evi qarşısında baş verən insident barədə məlumat aldıq. Bilirik ki, bütün
dünyası bizimlə birgədir.
Artıq polislə əməkdaşlığa
başlamışıq. Günahkarların cəzalanacağına inanırıq. Fanatların etiraz bildirməsi
tam başqa, amma əmlaka zərər yetirməsi, ölümlə təhdid etməsi isə taba başqa haldır. Buna heç bir bəraət
yoxdur”.
