“Vətənin müdafiəsinə hazıram!” adı altında atıcılıq turniri keçiriləcək
Azərbaycan Respublikasının Səfərbərlik və Hərbi
Xidmətə Çağırış üzrə Dövlət Xidməti yaradılmasının 5-ci ildönümünə həsr edilmiş
Azərbaycan Respublikasının Prezidenti yanında Vətəndaşlara Xidmət və Sosial
İnnovasiyalar üzrə Dövlət Agentliyinin tabeliyində olan "ASAN xidmət”
mərkəzləri arasında "Vətənin müdafiəsinə hazıram!” adı altında atıcılıq
turnirinə start verir. Turnirin məqsədi vətəndaşların hərbi vətənpərvərlik
tərbiyəsinin yüksəldilməsidir. SHXÇDX-dən "Kaspi”yə verilən məlumatda
bildirilir ki, turnir fevral ayının 7-də "Hərbi Vətənpərvərlik və Mütəxəssis
Hazırlığı Mərkəzi” MMC-nin Sabunçu rayon filialında keçiriləcək. Yarışda 5
nəfərdən təşkil olunmuş "ASAN xidmət” mərkəzlərində fəaliyyət göstərən
nümayəndələrdən ibarət komandalar iştirak edə bilər. Turnirdə I, II və III
yerlərin qalibləri Səfərbərlik və Hərbi Xidmətə Çağırış üzrə Dövlət Xidmətinin
diplomu və qiymətli hədiyyələrlə mükafatlandırılacaqlar.
Turnirdə iştirak etmək istəyənlərdən
komandanın tərkibi haqqında məlumatı yanvar ayının 25-dək Səfərbərlik və Hərbi
Xidmətə Çağırış üzrə Dövlət Xidmətinin Aparatına və yaxud
[email protected] elektron ünvanına göndərmək xahiş olunur. Məlumata
aşağıda qeyd olunanlar daxil edilməlidir: komanda üzvlərinin soyadı, adı,
atasının adı, təvəllüdü.