Vecinə də deyilmiş, bilirmiş ki, milyonçu olacaq
"Barselona”nın
sabiq futbolçusu Aleks Sonq 2012-ci ildə Kataloniya klubuna keçidi haqda
danışıb.
Kaspi.az xəbər
verir ki, Sonq "Barselona”da mütəmadi oynamaq şansının olmayacağını bildiyi
halda təklifi qəbul edib. O, bu komandaya yaxşı məvacib üçün keçdiyini etiraf
edib:
"Əksər oyunçular
imkanlarından aşağı səviyyədə yaşayırlar. Mən səkkiz il "Arsenal" da
oldum, ancaq son dörd ildə yaxşı pul qazanmağa başladım. Maaş artsa da, xərclərimin
də artdığının fərqindəyəm. "Arsenal"da çıxış etdiyim müddətdə 100 min
avro da toplaya bilmədim. Baxmayaraq ki, çoxları məni milyonçu hesab edirdi.
"Barselona”
müqavilə təklif edəndə, alacağım məvacibi bilib, iki dəfə fikirləşmədim.
Düşündüm ki, karyeramı bitirəndən sonra ailəm komfort şəraitdə yaşamalıdır.
"Barselona”nın
idman direktoru ilə görüşdüm və o, mənə dedi ki, meydana mütəmadi çıxmayacağam.
Amma bu, vecimə də deyildi, bilirdim ki, milyonçu olacağam”.