Bakı 21°C
“Utandığımızdan qızarmışıq, bizə bəraət yoxdur”
"Milan”ın idman direktoru Massimiliano Mirabelli A seriyasının 18-ci
turunda autsayderlərdən olan "Verona”ya məğlubiyyəti (0:3) şərh edib.
Kaspi.az xəbər verir ki, Mirabelli bu məğlubiyyətdən sonra fanatların
üzünə baxa bilmədiklərini deyib. O, komandanın baş məşqçisi Qattuzonun
fəaliyyəti barədə də danışıb:
"Fanatlarımızın qarşısında utandığımızdan qızarmışıq. Onlar bizə
inanılmaz dəstək verirdilər. Komandamız müəyyən müddət oyuna diktə etdi. Ancaq
qol buraxdıqdan sonra ritmi tamamilə itirdik.
İkinci hissəyə də yaxşı başladıq. Ancaq onların 2-ci qolu bizi
tamamilə sındırdı. Bizə bəraət yoxdur. Qattuzo mövsümün sonuna qədər komandaya
rəhbərlik edəcək. Düşünürük ki, yaxın vaxtlarda effekti hiss edəcəyik”.
