• cümə, 29 Mart, 13:00
  • Baku Bakı 14°C

Türkiyənin Draft Education şirkətinin nümayəndələri ADU-da olub

24.04.17 13:00 631
Türkiyənin Draft Education şirkətinin nümayəndələri ADU-da olub
Azərbaycan Dillər Universitetinin (ADU) rektoru vəzifəsini icra edən professor Əfqan Abdullayev Türkiyənin Draft Education şirkətinin nümayəndələrini qəbul edib.
Qonaqları salamlayan professor Ə. Abdullayev onları universitetdə görməkdən məmnun olduğunu bildirib. Universitetin tarixi, tədris prosesi, beynəlxalq əlaqələri haqqında danışan professor ADU-nun nüfuzlu ali təhsil müəssisələrindən biri olduğunu qeyd edib. O, Azərbaycan və Türkiyənin qardaş ölkələr olduğunu söyləyib və təhsil sahəsində əməkdaşlığı genişləndirməyin vacibliyini vurğulayıb. Professor qonaqlara universitetin tədris imkanları haqqında da məlumat verib.
Səmimi qəbula görə təşəkkür edən Draft Education şirkətinin İstanbul nümayəndəliyinin təmsilçisi Mustafa Süzmətaş universitetdə olmaqdan məmnunluğunu bildirib. Təmsil etdiyi şirkət haqqında söz açan M.Süzmətaş 14 ölkəyə tələbə göndərdikləri barədə danışıb. M.Süzmətaş şirkətin İstanbul, İzmir və Ankarada nümayəndəliklərinin olduğunu qeyd edib. O, tələbələrin Azərbaycanı seçməsinin bir sıra üstünlüklərinin olduğunu xüsusi vurğulayıb.
Görüşdə gələcək əməkdaşlıq perspektivləri, tələbə mübadiləsi haqqında müzakirələr aparılıb.
banner

Oxşar Xəbərlər