Türkiyə və Rusiya yığmaları arasında yoldaşlıq görüşü keçirəcək

APA-nın Türkiyənin "Posta” qəzetinə istinadən verdiyi xəbərə görə, yoldaşlıq görüşünün avqustun 31-də Antalyada keçirilməsi planlaşdırılır. Avqustun 9-da Rusiyaya yola düşəcək Türkiyə prezidenti Rəcəb Tayyip Ərdoğanın rusiyalı həmkarı Vladimir Putini matça dəvət edəcəyi gözlənilir. Yoldaşlıq görüşünün keçirilməsi Türkiyə-Rusiya münasibətlərinin normallaşdırılması istiqamətində önəmli addım kimi qiymətləndirilir.