Ötən il Ali Məhkəməyə 23878 müraciət daxil olub

APA-nın məlumatına görə, bunu Ali Məhkəmənin sədri Ramiz Rzayev ilin yekunlarına dair keçirilən plenumun iclasında deyib.

O bildirib ki, müraciətlər müvafiq qaydada baxılıb və cavablandırılıb: "Azərbaycanda koronavirus infeksiyasının yayılması təhlükəsinin qarşısının alınması məqsədilə görülən tədbirlər nəticəsində 2020-ci il mart ayından etibarən vətəndaşların fərdi və kollektiv qaydada qəbulu dayandırıldığından qəbul digər vasitələrlə həyata keçilib. Ali Məhkəmənin sədri və müavinləri və kollegiya sədrləri tərəfindən 230 nəfər, o cümlədən 135 nəfər bölgələrdə qəbul olunub”.