Təhsil Nazirliyi Qəbələ və Oğuz rayonlarına mediatur təşkil edib
Bu gün Təhsil Nazirliyinin təşkilatçılığı ilə Qəbələ və Oğuz
rayonlarına mediatur təşkil edilib. "Kaspi”nin məlumatına görə,
mediaturda 20-dən çox KİV nümayəndəsi və təhsil ekspertləri iştirak edib.
Mediaturun təşkil edilməsində məqsəd bu bölgələrdə inşa olunan modul tipli məktəblər
haqqında media nümayəndələrinə məlumat vermək və onları həmin məktəblərlə tanış
etmək olub.
Mediatur iştirakçıları əvvəlcə, Qəbələnin
Seyidqışlaq kəndində 80 şagird yerlik modul tipli məktəbi ilə tanış olublar.
Daha sonra rayonun Aydınqışlaq kənd tam orta məktəbinin əsaslı təmirdən sonra
açılış mərasiminə qatılıblar. Açılış mərasimində Qəbələ rayon icra başçısının
müavini, rayon təhsil nümayəndələri iştirak edib. Sonda
media nümayəndələri Oğuz rayonunda inşa olunan modul tipli məktəblərlə tanış
olublar.
Təranə Məhərrəmova