Bakı 24°C
TAP-ın yarıdan çox hissəsi artıq tamamlanıb
Trans-Adriatik Boru Kəməri (TAP) layihəsinin 50%-dən çox hissəsi artıq tamamlanıb. Bura layihələndirmə, satınalma və tikinti işləri daxildir.
Bu barədə "APA-Economics"ə TAP konsorsiumundan bildirilib.
Məlumata görə, cari ilin sentyabr ayına olan göstəriciyə əsasən, TAP-ın podratçıları Yunanıstan və Albaniyada layihə marşrutunun təxminən 70%-də (765 km-in 539 km-i) təmizlənmə işləri aparıb. Bundan başqa, tikinti prosesində istifadə olunacaq 55 min borunun təxminən 95%-i Yunanıstan, Albaniya və İtaliyaya çatdırılıb.
Bildirilir ki, marşrut boyunca TAP konsorsiumu tərəfindən bir sıra sosial və ətraf mühitlə bağlı investisiya proqramları həyata keçirib. Ümumilikdə, TAP Yunanıstan, Albaniya və İtaliyada sosial və ətraf mühitlə bağlı investisiya proqramlarına 55 mln. avro dəyərində investisiya yatıracaq.
