Superkuboku təyyarəyə buraxmadılar, yoxladılar...
İtaliya
superkubokunu qazanan "Latsio” problemlə üzləşib.
Kaspi.az xəbər
verir ki, "Yuventus”la qarşılaşma Səudiyyə Ərəbistanında keçirilib. Oyundan
sonra İtaliyaya qayıdan "Latsio” futbolçuları aeroportda problemlə üzləşiblər.
Superkuboku komandanın
müdafiəçisi Danilo Kataldi götürüb. Yoxlamadan keçərkən təhlükəsizlik qurğusu
siqnal verib.
Bundan sonra təhlükəsizlik
əməkdaşları superkuboku futbolçu alaraq əl detektoru ilə də ciddi şəkildə
yoxlayıblar. Yalnız bundan sonra qəniməti təyyarəyə keçirtməyə icazə veriblər.
"Latsio” klubu məsələ
ilə bağlı sosial şəbəkədə zarafatyana paylaşım edib: "Bağışlayın, amma biz bu qəniməti
mütləq evə aparmalıyıq”.
"Latsio”
Superkubok qarşılaşmasında "Yuventus”a 3:1 hesabı ilə qalib gəlib.