Sosial şəbəkələrdəki təhqirlərə qarşı sistem
İngiltərə
Premyer Liqasının rəhbərliyi sosial şəbəkələrdə futbolçuların, məşqçilərin,
onların ailə üzvlərinin təhqir olunmasının qarşısını almaq niyyətindədir.
Kaspi.az xəbər
verir ki, Bu təhqirlərin qarşısını almaq üçün sistem quraşdırılacaq. Bu sistem
vasitəsilə sosial şəbəkələrdəki təhqirlərlə bağlı xəbərdarlıq gələcək.
Hər bir xəbərdarlıq
araşdırılacaq, müvafiq sosial şəbəkənin diqqətinə çatdırılacaq və lazım gələrsə,
hüquqi proses başladılacaq.
Premyer Liqanın
icraçı direktoru Riçard Masters məsələ ilə bağlı açıqlama verib:
"İnternetdə təhqir,
diskriminasiya hər hansı bir təzahürdə qəbuledilməzdir və bu problemin həlli
prioritet olmalıdır. Oyunçuların və ailələrinin dəhşətli ayrı-seçkilik
mesajları aldıqları hallar çoxdur”.