AZE | RUS | ENG |


SORĞU - Azərbaycan əhalisinin yarıdan çoxu Avropa İttifaqına etibar edir

SORĞU - Azərbaycan əhalisinin yarıdan çoxu Avropa İttifaqına etibar edir
Azərbaycan əhalisinin 47%-i Avropa İttifaqı haqqında müsbət fikirdədir.

Trend-in məlumatına görə, bu barədə Avropa İttifaqı haqqında təsəvvürlə bağlı Azərbaycanda keçirilən ictimai rəy sorğusunda bildirilir.

Sorğu "ŞərqTərəfdaşlığı" Proqramı və ACT LLC tərəfindən keçirilib.

Rəy sorğusuna əsasən Azərbaycan əhalisinin 51%-i Avropa İttifaqına inanır. Əldə edilən göstərici BMT (35%) və NATO ( 32 %) ilə müqayisədə kifayət qədər yüksəkdir.

Azərbaycanlıların 68%-dən çoxu Avropa İttifaqı ilə əlaqələrin yaxşı olduğunu fikirləşir, bu isə region üzrə göstəricidən (61%) yüksəkdir.

Əhalinin 33%-i isə qurumun Azərbaycana maliyyə dəstəyi haqqında məlumata malikdir, 65%-i isə (region üzrə göstərici 53%) maliyyə dəstəyinin effektiv olduğunu deyib.

Sorğunun məqsədi Avropa İttifaqı "Şərq Tərəfdaşlığı" Proqramına qoşulan ölkələrin əhalisinin qurum haqqında fikirlərini öyrənməkdən ibarət olub.

Azərbaycan Avropa İttifaqı "Avropa Qonşuluq Siyasəti"nin, "Şərq Tərəfdaşlığı" Proqramının, Avropa Şurasının üzvüdür.

2017-ci ilin fevralında Avropa İttifaqı ilə Azərbaycan arasında başlayan danışıqlarla yeni strateji əməkdaşlığa qədəm qoyulub.

Avropa İttifaqı Azərbaycanın ümumi ticarət balansının 51%-ni təşkil etməklə, ölkənin əsas ticarət tərəfdaşıdır.

Avropa İttifaqı Azərbaycana əsasən texniki avadanlıqlar ixrac edir, Azərbaycandan isə neft və qaz (ümumi idxalın 98%-ni təşkil edir) idxal edir.




Paylaş:

Facebook-da

Reklam

Xəbər lenti

Valyuta məzənnəsi

Tipi Ədə. Adı AZN
IRR 100 İran rialı 0.0045
GEL 1 Gürcü larisi 0.6836
GBP 1 İngilis funt sterlinqi 2.2469
TRY 1 Türk lirəsi 0.4627
KWD 1 Küveyt dinarı 5.6276
SEK 1 İsveç kronu 0.2089
EUR 1 Avro 2.0063
CHF 1 İsveçrə frankı 1.7339
USD 1 ABŞ dolları 1.7001