Bakı 20°C
Sevinc Ağasıyevandan “Həqq məndədir”
Dekabrın 21-də "Dövlət Təhlükəsizlik Xidmətinin Mədəniyyət
Mərkəzində” bəstəkar-müğənni Sevinc Ağasıyevanın "Nəsimi ili”nə həsr olunan "Həqq
məndədir” adlı solo konserti baş tutub. Gecədə əməkdar artist, tarzən Şəhriyar
İmanovun rəhbərlik etdiyi qrupun - musiqiçilər klavişdə Bəbir Bəbirli və Şükür Əliyevin
müşayiəti ilə Tofiq Quliyev, Süleyman Ələsgərov və Sevinc Ağasıyevanın İmadəddin
Nəsiminin qəzəllərinə bəstələnən mahnıları ifa olunub. Həmçinin bədii qiraət
ustası Xəzər Süleymanlının təqdimatında şairin qəzəlləri özünəməxsus şəkildə
oxunub.
Tanınmış ziyalılar, Nəsimişünaslar, incəsənət və
media nümayəndələrinin iştirak etdiyi tədbirdə ifalar auditoriya tərəfindən
böyük maraqla qarşılanıb.
Tədbirdə həmçinin musiqisi tanınmış kamança ifaçısı
Mark Eliyahu, sözləri Nəsimiyə aid olan və Sevinc Ağasıyeva tərəfindən ifa
olunan "Etməgil” mahnısının klipi də təqdim olunub.Sonda xalq artistləri Mehriban Zəki, Xalidə
Quliyeva, Mədəniyyət.az jurnalının baş redaktoru Zöhrə Əliyeva və Yunis Əmrə
İnstitutunun Bakı filialının direktoru Cihan Özdemir çıxış edərək tədbirin əhəmiyyətindən
danışıblar.
