Səlim Abbasovun avtomobilinə nə üçün hücum edilib? - Fotolar
Ötən gün Bakıda əməkdar
artistimiz Səlim Abbasovun avtomobilinin şüşələrinin naməlum şəxs tərəfindən
sındırılması xəbərini eşitdik. Məsələnin təfərrüatlarını öyrənmək üçün
zərərçəkmiş incəsənət nümayəndəsi ilə əlaqə saxladıq. Aydın oldu ki, Mayın
29-da Səbail rayon Tərlan Əliyarbəyov küçəsində Səlim Abbasova məxsus "BMW”
markalı avtomobilin şüşələrinin oğurluq məqsədi ilə sındırılıb. Oğru maşının
salonundakı skripkaları götürmək üçün yan şüşəni sındırıb və dərhal musiqi
alətlərini götürüb. Bu zaman Səlim Abbasov şəhərdə səs yazma studiyasında
çalışırmış. Telefonuna zəng gələn əməkdar artist çölə çıxmalı olub. Telefon zənginə cavab verən skripka ifaçısının
diqqəti 20-21 yaşlarında olan iki oğlanın əlində daşıdığı skripkalara sataşıb.
Uşaqlar onlara yaxınlaşan ifaçını görərək qaçmağa başlayıblar. Onlar ifaçının
yaxınlaşdığını görərək skripkanı yerə ataraq qaçıblar. Skripkanın zədə
gördüyünü deyən ifaçı oğruların qaçaraq
insanların çox toplaşdığı yerə girib yoxa çıxdığını deyir. Oğruları isə tutmaq
mümkün olmayıb. Maşına geri dönən ifaçı maşınının şüşələrinin sındığını görüb.
S.Abbasov bizimlə
söhbətində dərhal Səbail rayon Polis İdarəsinə müraciət etdiyini dedi: "Mənə
maraqlı odur ki, insanların gur toplaşdığı məkanda necə olur ki, maşınımdan
oğurluq edilir, ancaq o ərazidə gəzən polis nümayəndələri onu görmür”.
Mətbuatın dostu kimi tanıdığımız Əməkdar artistin başına gələnlər mətbuatda
geniş şəkildə yer aldı. Hər kəsin diqqət kəsildiyi xəbərlərin arasında Səlimin başına gələnləri PR-ın bir
növü kimi qiymətləndirənlər də oldu. Ancaq hər həftə uşaqlar evində xeyriyyə
tədbirlərində, kimsəsizlər evində konsertlər verən bir insan bu barədə mətbuata
danışmağa çəkinirsə və özünü reklam etdirməyə ehtiyac duymursa gözləmədiyi
halda başına gələn hadisənin reklam olduğunu demək gülüncdür. Düzdür hər kəsin
reklama ehtiyacı var. Ancaq illərdir bu sənətdə külüng çalan, özünə nüfuz,
hörmət qazanan Səlim Abbasovun belə reklama ehtiyacı yoxdur.
Xəyalə