Səlim Abbasov uşaqların müdafiə günündə kimsəsiz uşaqların yanında olub - Fotolar
Əməkdar artist Səlim
Abbasovun uşaqlara sevgisi sonsuzdur. Dünən 1 İyun Uşaqların Beynəlxalq Müdafiə
günündə demək olar ki, ifaçı gününü məhz uşaqlarla keçirib. Belə ki,dünən bütün gününü uşaqlara
həsr etdiyini deyən əməkdar artist az da olsa uşaqların simasında gülüş bəxş
etdiyi üçün özünü xoşbəxt hiss etdiyini dedi: "Dünənki günümü uşaqlara həsr
etdim. Allah bütün balalarımızı saxlasın.
Onlar bizim gələcəyimizdir. Tədbir valideyn himayəsindən məhrum olmuş, Daun
sindromlu, leykemiya və talassemiya xəstəliyindən əziyyət çəkən uşaqlara həsr
olunmuşdu. Eyni zamanda tədbirdə "Təmiz Dünya Qadınlara Yardım” İctimai
Birliyinin nəzdində fəaliyyət göstərən "Qadın və uşaq” sığınacağının sakinləri
də iştirak edirdi. Tədbirin əsas məqsədi gələcəyimiz olan uşaqlara diqqət və
qayğının göstərilməsi idi. Orada 70-yə yaxın uşaqla birgə vağzalda ekskursiya
təşkil olundu və biz də orada iştirak etdik. Daha sonra dayanacaqdakı
qatarlarla tanış olan uşaqlar üçün ilk dəfə olaraq qatar həyəcanı yaşandı.
Onlar üçün nəzərdə tutulmuş Bakı-Sumqayıt qatarı ilə Xırdalan stansiyasına
qədər qısa səyahət təşkil olundu. Tədbir "Azərbaycan Dəmir Yolları” Qapalı
Səhmdar Cəmiyyəti və Azərbaycan Talassemiya Federasiyası, "Leykemiya ilə
Mübarizə” İB, "Təmiz Dünya Qadınlara Yardım” İB və "Qayğı-Sağlam Nəsil Naminə”
İctimai Birliyinin nəzdində fəaliyyət göstərən Daun Sindromlu Şəxslərin Reabilitasiya
Mərkəzinin birgə təşkilatçılığı ilə baş tutdu. Azərbaycan Dəmir Yolları
nazirliyinin İctimai əlaqələr şöbəsinin rəisi Sevinc Qədirovaya dəvətə görə və
tədbirin yüksək səviyyədə təşkilinə görə təşəkkür edirəm” .
Qeyd edək ki, tədbirdə
sənətçilərdən Mirkamil Kamilov, Leyla Ramazanlı, Sirac Ağayev, Rafael və Coşqun,
Rəvan Qarayev və Üzeyir Mehdizadəyə iştirak edirdilər.
Əməkdar artist deyir ki, dünən
eyni zamanda Sağlamlıq imkanları məhdud
uşaqlar üçün 5 nömrəli Respublika xüsusi internat məktəbinin uşaqları ilə də
görüş keçirilib və S.Abbasov eyni zamanda bu tədbirdə də iştirak edib: "Bizə bu
şəraiti yaratdığı üçün məktəbin direktoru
İradə Vəzirovaya təşəkkürümü bildirirəm. Çox şadam ki, o uşaqların az da
olsa sevindirə bildim. Eyni zamanda sənətçi dostlarıma də təşəkkürümü
bildirirəm. Belə ki, Vüqar Bəxtiyar, meyxanaçı Ataş Novxanı da mənimlə
bərabər bu tədbirdə çıxış edirdilər”.