“Şedrik” Ukrayna nəğməsi Azərbaycan musiqi alətlərində səsləndirilib - VİDEO

25.12.20 12:00 600

"Şedrik” Ukrayna nəğməsi qədim Azərbaycan musiqi alətlərinin köməyi ilə yeni şəkildə səsləndirilib.

Ukraynanın Azərbaycandakı səfirliyindənAPA-ya verilən məlumata görə, istedadlı Ukrayna musiqişünası Polina Desyatniçenko muğam sənətinə yiyələnmək üçün xüsusi olaraq Kanadadan Azərbaycana gəlib.

Bildirilib ki, Polina Desyatniçenko, Toğrul Əsədullayev, Çinarə Heydərova, Vəfa Şirəliyeva, Şəfa Kərimova və Azad Əliməmmədovdan ibarət yeni yaradılmış Ukrayna-Azərbaycan tandemi "Şedrik” Ukrayna nəğməsinin qədim Azərbaycan musiqi alətlərinin köməyi ilə yeni şəkildə səsləndirilməsinə imkan yaradıb.

"Ukrayna bəstəkarı Nikolay Leontoviçin ümumdünya tanınmış "Şedrik” əsəri artıq ikinci yüzillikdir ki, Ukrayna mədəniyyətini yeni ölkələrə və şəhərlərə çatdıraraq dünya üzrə səyahət edir. 100 il bundan öncə "Şedrik” nəğməsi ilk olaraq Ukrayna xorunun Şimali Amerikaya qastrolları zamanı səsləndirilib və dərhal "Carol of the bells” əfsanəvi mahnı kimi böyük populyarlıq qazanıb.Ənənəyə görə, "Şedrik” Ukrayna nəğməsi yeni il bayramlarının yaxınlaşdığı barədə dünyaya xəbər verir."Şedrik” və Ukraynanın Azərbaycan Respublikasındakı Səfirliyi dost Azərbaycan xalqını qarşıdan gələn Yeni İl bayramı münasibətilə ürəkdən təbrik edir və yeni 2021-ci ildə sülh, rifah və çiçəklənmə arzu edir!", - deyə qeyd olunub.