Bakı 14°C
Sədaqət “Gecələr”ini təqdim edib
Müğənni Sədaqət Ulduz yeni "Gecələr” adlı mahnısını təqdim edib. Söz və musiqisi Tural Bakuvi, aranjemanı Ramal Rəsula məxsusdur. Lirik janrda olan mahnıda qədim musiqi aləti olan ud səsinə üstünlük verilib. Udu Kənan ifa edib. Mahnı artıq bütün radio dalğalarında yayımlanır.
Müğənni Kaspi.az-a açıqlamasında "Gecələrə”ə klip çəkdirəcəyini dedi. Sədaqət Ulduz bir neçə ildir Sultan Hacıbəyov adına musiqi kollecində aşıq sənətini tədris etdiyini də bildirdi. 6 yaşında ümummittifaq festival laureatı adını aldığını deyən müğənni aşıq sənəti deyil, mahnı janrına üstünlük verdiyini gizlətmədi: "Bəzən mahnı oxumağa yüngül iş kimi, dırnaqarası baxırlar. Amma mahnı oxumaq heç də aşıq musiqisi, muğam oxumaqdan asan deyil, əksinə, daha çox istedad tələb edir. Muğamda özünəməxsus çox şeylər edə bilərsən. Lakin mahnıda bu imkanlar yoxdur. Saz sənətində populyar olmaq çox asandır. Mənə deyirlər ki, sazı götür əlinə, sənə geniş meydanlar açaq. Çünki aşıq sənətində olanlar arasında sənətə qulluq edənlər barmaqla sayılır. Əksəriyyəti toy repertuarı oxuyur. Qınamıram. Sazla toy mahnıları oxuyurlar ki, efirə, toy şənliklərinə getsinlər. Aşıq gərək yaradıcı olsun. Mən gözəl saz çalıb oxuya bilərəm. Amma öz yaradıcılığım yoxdursa, bu, mənasızdır. Aşıq gərək özü yaza, özü oxuya, aşıq Ulduz kimi. Onun-bunun şerini deyəcəmsə, yalandan sazı əlimə niyə götürüm?”
Xatırladaq ki, Sədaqət tanınmış aşıq, əməkdar mədəniyyət işçisi aşıq Ulduzun qızıdır.
"Gecələr” mahnısını bu linkdən dinləyə bilərsiniz:
