Röyanın Türkiyədə uğuru
Dünən gündəmin
əsas mövzusu Türkiyədə keçirilən "Altın kelebek” mükafatlandırma gecəsində azərbaycanlı
ifaçıların iştirakı oldu. 44 ildir ki, Türkiyədə keçirilən "Altın kelebek”
mükafat mərasimində ilk dəfə azərbaycanlı müğənnilərin iştirak etməsi elə bizim
ölkəmizdə də müzakirələrə səbəb oldu. "Azərbaycanın ən parlaq ulduzu” adı
uğrunda üç məşhur - Miri Yusif, Nigar Camal və Röya Ayxan mübarizə apardı ki, qalib
əməkdar artist Röya oldu. Bu mərasimin qalibləri xalqın səsverməsi yolu ilə seçilir.
Türkiyədə "Azərbaycanın ən parlaq ulduzu” nominasiyasında Röya sevərlərin səsi
üstünlük təşkil etdi.
Türkiyənin bir
neçə musiqi kanalının "Top-10”
luğunda Röyanın türk ifaçıları birgə və tək ifa etdiyi mahnıları tez-tez görsək
də, Nigar Camalın da bu mərasimdən əliboş qayıtmayacağına ümidlər var idi.
Ancaq bu ümidlər özünü doğrultmadı. Miri Yusif 3 günlük konsert verməsi
səbəbilə gecəyə qatılmasa da, iki xanım məşhurumuz tədbirdə özəl görünməyə
çalışdılar. Bu, onların geyimlərində də hiss olunurdu.
Mükafatlandırma
gecəsində diqqətimi çəkən digər nüans isə aparıcının Türkiyə və eləcə də
Azərbaycanda canlı yayımlanan mərasimdə azərbaycanca danışmağı oldu. Xəzər
Televiziyası ilə yayımlanan bu tədbir yerli tamaşaçılar tərəfindən də səbirsizliklə
gözlənilirdi. Xəzər TV nümayəndəsi olan tanınmış aparıcı Nəsib Nur təqdimat
öncəsi Röya ilə Nigarın təəssüratlarını öyrəndi. Hər iki ifaçımız həyəcanlı
olduqlarını və doğma kanal vasitəsi ilə tamaşaçıları salamladıqlarını bildirdilər.
Röya Ayxanın isə
sevincinin həddi-hüdudu yox idi. İfaçı mərasimdən sonra Azərbaycan tamaşaçıları
üçün bir video paylaşdı və videoda onu dəstəkləyən hər kəsə təşəkkürünü
bildirdi: "Azərbaycanı, Röya sevənləri, üzərimdə əziyyəti olan hər kəsi təbrik
edirəm. Bizi bəyənməyib, hər zaman müzakirə edənlərə dərs olsun. Mən Allahın verdiyi
bütün möcüzələrə inanıram. Çünki qətiyyən paxıl adam deyilən. Sizi və
kollektivimi çox sevirəm. Mənə verdiyiniz enerjiyə görə çox sağ olun”.
Məşhur mərasimdə Röyanın
"Azərbaycanın ən parlaq ulduzu” mükafatını alması qonşu ölkənin sosial şəbəkə
fenomenləri tərəfindən birmənalı qarşılanmayıb.
Sosial şəbəkələrin
qardaş ölkədəki bəzi istifadəçiləri tərəfindən bu addım narazılıqla qarşılandı.
Türkiyəli istifadəçilər Röyanı səhnədə görüb, "Röyanın bu mərasimə nə dəxli
var?”, "Nə mənasız addımdır bu, Röyaya niyə mükafat verirlər?”, "Bu adam
kimdir? Bunu kim buraxıb səhnəyə? Bunun Türkiyəyə nə dəxli var?” kimi şərhlər
yazanlar az olmadı. Yerli mətbuatda da motivasiya düşürən xəbərlər az yer
almadı. Amma bu kimi şərhlərin ifaçını ruhdan salmaması sevindirici haldır.
"Altın kelebek”
kimi nüfuzlu mükafatlandırma gecəsində azərbaycanlı ifaçının mükafata layiq
görülməsi bir Azərbaycan vətəndaşı olaraq təbii ki, bizləri qürurlandırmaya
bilməz. Röya illərdir sənətdə çəkdiyi əziyyətin, səviyyəli fəaliyyətinin bəhrəsini
gördü. O, sənətdən əldə etdiyi gəlirini sənətə xərcləməsinin, səviyyəli mahnılar
alıb, bahalı kliplər çəkdirməsinin, eyni zamanda nüfuzlu, tanınmış ifaçılarla
duet oxumaq üçün xərclədiyi vəsaitin nəticəsində bu yüksək ada layiq görüldü.
Qeyd edək ki, 44
ildir ki, keçirilən bu məşhur mükafatlandırma gecəsi dünyada ən səviyyəli
mərasimlərdən biri hesab olunur. Məlumat üçün bildirək ki, bu dəfəki gecənin aparıcıları
Cem Davran və Ayça Ayşin Turan idi. Aparıcılar gecəni əlvan keçirmək üçün yeri gələndə
zarafat edir, mərasimi yaddaqalan etməyə çalışırdılar. Bu gecədə 32 mükafat
təntənəli şəkildə öz sahiblərinə təqdim edilib.
Kanal D-də yayımlanan"Vatanım
sensin”serialı ilə Nuran Everen Şit "Ən yaxşı ssenarist” nominasiyasının
qalibi olub. Ona mükafatı rejissor
Osman Sınav təqdim edib.Ən yaxşı klip isəMabel Matiz və Anıl
Canınçəkdirdiyi "Ya bu işler ne” olub. Mükafatı onlara müğənni Göksel
təqdim edib.İlin mahnısı isə Tarkanın ifa etdiyi "Beni çok sev”seçilib.Bəstənin
söz yazarı Günay Çoban və musiqi müəllifi Serkan İzeetə mükafatı Ayla Çelik
verib.Ən yaxşı kişi pop ifaçısıTarkanseçilib.Ona
mükafatı Cem Yılmaz təqdim edib.Ən yaxşı qadın pop ifaçısıSezen
Aksuelan olunub.Tədbirə gəlməyən Sezenin yerinə Tarkan mükafatı
götürüb.Ən yaxşı xalq mahnısı ifaçısıEbru Yaşarseçilib. Ona
mükafatı Erol Evgin verib.Ən yaxşı aparıcı isə "Kelime oyunu” ilə
populyarlaşanAli İhsan Varolelan edilib.Ən yaxşı komediya
üzrə aktrisaHande Erçelseçilib.Ən yaxşı komediya üzrə aktyor
isəÇağlar Çorumluelan olunub. Şou-biznesə ən yaxşı qatılan
ifaçıAleyna Tilki seçilib. Ən yaxşı rejissorYağız Alp
Akaydın("Söz”, Star TV),ən yaxşı qadın xəbər aparıcısıNazlı
Çelik(Star TV), ən yaxşı kişi xəbər aparıcısıFatih
Portakal(Fox TV), ən yaxşı gündüz saatlarında yayımlanan proqram "Müge
Anlı ilə tatlı sert” elan olunub.
Xəyalə Rəis