Rusiya və Türkiyədə olan vətəndaşlarımız ölkəyə gətiriləcək
"Rusiya və Türkiyədə olan vətəndaşlarımızın ölkəyə
gətirilməsi təmin olunacaq”.
Bunu Nazirlər Kabineti yanında Operativ Qərargahın
keçirdiyi brifinqdə Nazirlər Kabinetinin Mətbuat xidmətinin rəhbəri İbrahim Məmmədov
deyib.
Onun sözlərinə görə, hazırda bu istiqamətdə işlər
gedir: "Rusiyada qalan vətəndaşların Azərbaycana gətirilməsi ilə bağlı hər
iki ölkə tərəfindən işlər aparılır.
Vətəndaşların Türkiyə və Rusiyadan Azərbaycana gətirilməsi
texniki imkanlarla bağlıdır. Karantin zonalarında yerlər boşaldıqca, xaricdən vətəndaşlar
gətirilərək karantinə yerləşdiriləcək".